ઈશ્વરપ્રત્યભિજ્ઞાવિમર્શિની · શ્લોક 1-1.2.9

નિરાભાસાત્પૂર્ણાદહમિતિ પુરા ભાસયતિ ય દ્વિશાખામાશાસ્તે તદનુ ચ વિભઙ્ક્તું નિજકલામ્ ।
સ્વરૂપાદુન્મેષપ્રસરણનિમેષસ્થિતિજુષસ્ તદદ્વૈતં વન્દે પરમશિવશક્ત્યાત્મ નિખિલમ્ ॥

શ્રોત્રૈયમ્બકસદ્વંશમધ્યમુક્તામયસ્થિતેઃ ।
શ્રોસોમાનન્દનાથસ્ય વિજ્ઞાનપ્રતિબિમ્બકમ્ ॥

અનુત્તરાનન્યસાક્ષિપુમર્થોપાયમભ્યધાત્ ।
ઈશ્વરપ્રત્યભિજ્ઞાખ્યં યઃ શાસ્ત્રં યત્સુનિર્મલમ્ ॥

તત્પ્રશિષ્યઃ કરોમ્યેતાં તત્સૂત્રવિવૃતિં લઘુમ્ ।
બુદ્ધ્વાભિનવગુપ્તો ઽહં શ્રીમલ્લક્ષ્મણગુપ્તતઃ ॥

વૃત્ત્યા તાત્પર્યં ટીકયા તદ્વિચારઃ સૂત્રેષ્વેતેષુ ગ્રન્થકારેણ દૃબ્ધમ્ ।
તસ્માત્સૂત્રાર્થં મન્દબુદ્ધીન્પ્રતીત્થં સમ્યગ્વ્યાખ્યાસ્યે પ્રત્યભિજ્ઞાવિવિક્ત્યૈ ॥

સર્વત્રાલ્પમતૌ યદ્વા કુત્રાપિ સુમહાધિયિ ।
ન વાન્યત્રાપિ તુ સ્વાત્મન્યેષા સ્યાદુપકારિણી ॥