gopālahṛdayastotram · Chapter 1

śrī gaṇeśāya namaḥ /
ॐ asya śrīgopālahṛdayastotramantrasya / śrībhagavān saṅkarṣaṇa ṛṣi /
gāyatrī chandaḥ / ॐ bījam / lakṣmīḥ śaktiḥ / gopālaḥ paramātmā devatā /
pradyumnaḥ kīlakam / manovākkāyārjitasarvapāpakṣayārthe
śrīgopālaprītyarthe gopālahṛdayastotrajape viniyogaḥ /
śrīsaṅkarṣaṇa uvāca /
ॐ mamāgrataḥ sadā viṣṇuḥ pṛṣṭhataścāpi keśavaḥ /
govindo dakṣiṇe pārśve vāme ca madhusūdanaḥ

upariṣṭāttu vaikuṇṭho vārāhaḥ pṛthivītale /
avāntaradiśaḥ pātu tāsu sarvāsu mādhavaḥ

gacchatastiṣṭhato vāpi jāgrataḥ svapato'pi vā /
narasiṃhakṛtādguptirvāsudevamayo hyayam

avyaktaṃ caivāsya yoniṃ vadanti vyaktaṃ dehaṃ dīrghamāyurgatiśca /
vahnirvaktraṃ candrasūryau ca netre diśaḥ śrote ghrāṇamāyuśca vāyum

vācaṃ vedā hṛdayaṃ vai nabhaśca pṛthvī pādau tārakā romakūpāḥ /
aṅgānyupāṅgānyadhidevatā ca vidyādupasthaṃ hi tathā samudram

taṃ devadevaṃ śaraṇaṃ prajānāṃ yajñātmakaṃ sarvalokapratiṣṭham /
ajaṃ vareṇyaṃ varadaṃ variṣṭhaṃ brahmāṇamīśaṃ puruṣaṃ namaste

ādyaṃ puruṣamīśānaṃ puruhūtaṃ puraskṛtam /
ṛtamekākṣaraṃ brahma vyaktāsaktaṃ sanātanam

mahābhāratamākhyānaṃ kurukṣetraṃ sarasvatīm /
keśavaṃ gāṃ ca gaṅgāṃ ca kīrtayenmāṃ prasīdati

ॐ bhūḥ puruṣāya puruṣarūpāya vāsudevāya namo namaḥ /
ॐ bhuvaḥ puruṣāya puruṣarūpāya vāsudevāya namo namaḥ /
ॐ svaḥ puruṣāya puruṣarūpāya vāsudevāya namo namaḥ /
ॐ mahaḥ puruṣāya puruṣarūpāya vāsudevāya namo namaḥ /
ॐ janaḥ puruṣāya puruṣarūpāya vāsudevāya namo namaḥ /
ॐ tapaḥ puruṣāya puruṣarūpāya vāsudevāya namo namaḥ /
ॐ satyaṃ puruṣāya puruṣarūpāya vāsudevāya namo namaḥ /
ॐ bhūrbhuvaḥ svaḥ puruṣāya puruṣarūpāya vāsudevāya namo namaḥ /
ॐ vāsudevāya puruṣāya puruṣarūpāya vāsudevāya namo namaḥ /
ॐ saṅkarṣaṇāya puruṣāya puruṣarūpāya vāsudevāya namo namaḥ /
ॐ pradyumnāya puruṣāya puruṣarūpāya vāsudevāya namo namaḥ /
ॐ aniruddhāya puruṣāya puruṣarūpāya vāsudevāya namo namaḥ /
ॐ hayagrīvāya puruṣāya puruṣarūpāya vāsudevāya namo namaḥ /
ॐ bhavādbhavāya puruṣāya puruṣarūpāya vāsudevāya namo namaḥ /
ॐ keśavāya puruṣāya puruṣarūpāya vāsudevāya namo namaḥ /
ॐ nārāyaṇāya puruṣāya puruṣarūpāya vāsudevāya namo namaḥ /
ॐ mādhavāya puruṣāya puruṣarūpāya vāsudevāya namo namaḥ /
ॐ govindāya puruṣāya puruṣarūpāya vāsudevāya namo namaḥ /
ॐ viṣṇave puruṣāya puruṣarūpāya vāsudevāya namo namaḥ /
ॐ madhusūdanāya puruṣāya puruṣarūpāya vāsudevāya namo namaḥ /
ॐ vaikuṇṭhāya puruṣāya puruṣarūpāya vāsudevāya namo namaḥ /
ॐ acyutāya puruṣāya puruṣarūpāya vāsudevāya namo namaḥ /
ॐ trivikramāya puruṣāya puruṣarūpāya vāsudevāya namo namaḥ /
ॐ vāmanāya puruṣāya puruṣarūpāya vāsudevāya namo namaḥ /
ॐ śrīdharāya puruṣāya puruṣarūpāya vāsudevāya namo namaḥ /
ॐ hṛṣīkeśāya puruṣāya puruṣarūpāya vāsudevāya namo namaḥ /
ॐ padmanābhāya puruṣāya puruṣarūpāya vāsudevāya namo namaḥ /
ॐ mukundāya puruṣāya puruṣarūpāya vāsudevāya namo namaḥ /
ॐ dāmodarāya puruṣāya puruṣarūpāya vāsudevāya namo namaḥ /
ॐ satyāya puruṣāya puruṣarūpāya vāsudevāya namo namaḥ /
ॐ īśānāya puruṣāya puruṣarūpāya vāsudevāya namo namaḥ /
ॐ tatpuruṣāya puruṣāya puruṣarūpāya vāsudevāya namo namaḥ /
ॐ puruṣottamāya puruṣāya puruṣarūpāya vāsudevāya namo namaḥ /
ॐ śrī rāmacandrāya puruṣāya puruṣarūpāya vāsudevāya namo namaḥ /
ॐ śrī nṛsiṃhāya puruṣāya puruṣarūpāya vāsudevāya namo namaḥ /
ॐ anantāya puruṣāya puruṣarūpāya vāsudevāya namo namaḥ /
ॐ viśvarūpāya puruṣāya puruṣarūpāya vāsudevāya namo namaḥ /
ॐ praṇavenduvahniravisahasranetrāya puruṣāya
puruṣarūpāya vāsudevāya namo namaḥ /
ya idaṃ gopālahṛdayamadhīte sa brahmahatyāyāḥ pūto bhavati /
surāpānāt svarṇasteyāt vṛṣalīgamanāt pati sambhāṣaṇāt
asatyādagamyāgamanāt apeyapānādabhakṣyabhakṣaṇācca pūto bhavati /
abrahmacārī brahmacārī bhavati / bhagavānmahāviṣṇurityāha /
// iti gopālahṛdayastotraṃ sampūrṇam //