gāyatrīsahasranāmastotram · Chapter 1

śrīgaṇeśāya namaḥ /
dhyānam
raktaśvetahiraṇyanīladhavalairyuktāṃ trinetrojjvalāṃ
raktāraktanavasrajaṃ maṇigaṇairyuktāṃ kumārīmimām /
gāyatrī kamalāsanāṃ karatalavyānaddhakuṇḍāmbujāṃ
padmākṣīṃ ca varasrajañca dadhatīṃ haṃsādhirūḍhāṃ bhaje //
ॐ tatkārarūpā tatvajñā tatpadārthasvarūpiṇi /
tapassvyādhyāyaniratā tapasvijananannutā

tatkīrtiguṇasampannā tathyavāk‍ca taponidhiḥ /
tatvopadeśasambandhā tapolokanivāsinī

taruṇādityasaṅkāśā taptakāñcanabhūṣaṇā /
tamopahāriṇi tantrī tāriṇi tārarūpiṇi

talādibhuvanāntasthā tarkaśāstravidhāyinī /
tantrasārā tantramātā tantramārgapradarśinī

tatvā tantravidhānajñā tantrasthā tantrasākṣiṇi /
tadekadhyānaniratā tatvajñānaprabodhinī

tannāmamantrasuprītā tapasvijanasevitā /
sākārarūpā sāvitrī sarvarūpā sanātanī

saṃsāraduḥkhaśamanī sarvayāgaphalapradā /
sakalā satyasaṅkalpā satyā satyapradāyinī

santoṣajananī sārā satyalokanivāsinī /
samudratanayārādhyā sāmagānapriyā satī

samānī sāmadevī ca samastasurasevitā /
sarvasampattijananī sadguṇā sakaleṣṭadā

sanakādimunidhyeyā samānādhikavarjitā /
sādhyā siddhā sudhāvāsā siddhissādhyapradāyinī

sadyugārādhyanilayā samuttīrṇā sadāśivā /
sarvavedāntanilayā sarvaśāstrārthagocarā

sahasradalapadmasthā sarvajñā sarvatomukhī /
samayā samayācārā sadasad‍granthibhedinī

saptakoṭimahāmantramātā sarvapradāyinī /
saguṇā sambhramā sākṣī sarvacaitanyarūpiṇī

satkīrtissātvikā sādhvī saccidānandarūpiṇī /
saṅkalparūpiṇī sandhyā sālagrāmanivāsinī

sarvopādhivinirmuktā satyajñānaprabodhinī /
vikārarūpā vipraśrīrviprārādhanatatparā

vipraprīrviprakalyāṇī vipravākyasvarūpiṇī /
vipramandiramadhyasthā vipravādavinodinī

vipropādhivinirbhetrī viprahatyāvimocanī /
vipratrātā vipragotrā vipragotravivardhinī

viprabhojanasantuṣṭā viṣṇurūpā vinodinī /
viṣṇumāyā viṣṇuvandyā viṣṇugarbhā vicitriṇī

vaiṣṇavī viṣṇubhaginī viṣṇumāyāvilāsinī /
vikārarahitā viśvavijñānaghanarūpiṇī

vibudhā viṣṇusaṅkalpā viśvāmitraprasādinī /
viṣṇucaitanyanilayā viṣṇusvā viśvasākṣiṇī

vivekinī viyadrūpā vijayā viśvamohinī /
vidyādharī vidhānajñā vedatatvārtharūpiṇī

virūpākṣī virāḍ‍rūpā vikramā viśvamaṅgalā /
viśvambharāsamārādhyā viśvabhramaṇakāriṇī

vināyakī vinodasthā vīragoṣṭhīvivardhinī /
vivāharahitā vindhyā vindhyācalanivāsinī

vidyāvidyākarī vidyā vidyāvidyāprabodhinī /
vimalā vibhavā vedyā viśvasthā vividhojjvalā

vīramadhyā varārohā vitantrā viśvanāyikā /
vīrahatyāpraśamanī vinamrajanapālinī

vīradhīrvividhākārā virodhijananāśinī /
tukārarūpā turyaśrīstulasīvanavāsinī

turaṅgī turagārūḍhā tulādānaphalapradā /
tulāmāghasnānatuṣṭā tuṣṭipuṣṭipradāyinī

turaṅgamaprasantuṣṭā tulitā tulyamadhyagā /
tuṅgottuṅgā tuṅgakucā tuhinācalasaṃsthitā

tumburādistutiprītā tuṣāraśikharīśvarī /
tuṣṭā ca tuṣṭijananī tuṣṭalokanivāsinī

tulādhārā tulāmadhyā tulasthā turyarūpiṇī /
turīyaguṇagambhīrā turyanādasvarūpiṇī

turyavidyālāsyatuṣṭā tūryaśāstrārthavādinī /
turīyaśāstratatvajñā tūryanādavinodinī

tūryanādāntanilayā tūryānandasvarūpiṇī /
turīyabhaktijananī turyamārgapradarśinī

vakārarūpā vāgīśī vareṇyā varasaṃvidhā /
varā variṣṭhā vaidehī vedaśāstrapradarśinī

vikalpaśamanī vāṇī vāñchitārthaphalapradā /
vayasthā ca vayomadhyā vayovasthāvivarjitā

vandinī vādinī varyā vāṅmayī vīravanditā /
vānaprasthāśramasthā ca vanadurgā vanālayā

vanajākṣī vanacarī vanitā viśvamohinī /
vasiṣṭhāvāmadevādivandyā vandyasvarūpiṇī

vaidyā vaidyacikitsā ca vaṣaṭkārī vasundharā /
vasumātā vasutrātā vasujanmavimocanī

vasupradā vāsudevī vāsudeva manoharī /
vāsavārcitapādaśrīrvāsavārivināśinī

vāgīśī vāṅmanasthāyī vaśinī vanavāsabhūḥ /
vāmadevī varārohā vādyaghoṣaṇatatparā

vācaspatisamārādhyā vedamātā vinodinī /
rekārarūpā revā ca revātīranivāsinī

rājīvalocanā rāmā rāgiṇirativanditā /
ramaṇīrāmajaptā ca rājyapā rājatādrigā

rākiṇī revatī rakṣā rudrajanmā rajasvalā /
reṇukāramaṇī ramyā rativṛddhā ratā ratiḥ

rāvaṇānandasandhāyī rājaśrī rājaśekharī /
raṇamadyā rathārūḍhā ravikoṭisamaprabhā

ravimaṇḍalamadhyasthā rajanī ravilocanā /
rathāṅgapāṇi rakṣoghnī rāgiṇī rāvaṇārcitā

rambhādikanyakārādhyā rājyadā rājyavardhinī /
rajatādrīśasakthisthā ramyā rājīvalocanā

ramyavāṇī ramārādhyā rājyadhātrī ratotsavā /
revatī ca ratotsāhā rājahṛdrogahāriṇī

raṅgapravṛddhamadhurā raṅgamaṇḍapamadhyagā /
rañjitā rājajananī ramyā rākendumadhyagā

rāviṇī rāgiṇī rañjyā rājarājeśvarārcitā /
rājanvatī rājanītī rajatācalavāsinī

rāghavārcitapādaśrī rāghavā rāghavapriyā /
ratnanūpuramadhyāḍhyā ratnadvīpanivāsinī

ratnaprākāramadhyasthā ratnamaṇḍapamadhyagā /
ratnābhiṣekasantuṣṭā ratnāṅgī ratnadāyinī

ṇikārarūpiṇī nityā nityatṛptā nirañjanā /
nidrātyayaviśeṣajñā nīlajīmūtasannibhā

nīvāraśūkavattanvī nityakalyāṇarūpiṇī /
nityotsavā nityapūjyā nityānandasvarūpiṇī

nirvikalpā nirguṇasthā niścintā nirupadravā /
nissaṃśayā nirīhā ca nirlobhā nīlamūrdhajā

nikhilāgamamadhyasthā nikhilāgamasaṃsthitā /
nityopādhivinirmuktā nityakarmaphalapradā

nīlagrīvā nirāhārā nirañjanavarapradā /
navanītapriyā nārī narakārṇavatāriṇī

nārāyaṇī nirīhā ca nirmalā nirguṇapriyā /
niścintā nigamācāranikhilāgama ca vedinī

nimeṣānimiṣotpannā nimeṣāṇḍavidhāyinī /
nivātadīpamadhyasthā nirvighnā nīcanāśinī

nīlaveṇī nīlakhaṇḍā nirviṣā niṣkaśobhitā /
nīlāṃśukaparīdhānā nindaghnī ca nirīśvarī

niśvāsocchvāsamadhyasthā nityayānavilāsinī /
yaṅkārarūpā yantreśī yantrī yantrayaśasvinī

yantrārādhanasantuṣṭā yajamānasvarūpiṇī /
yogipūjyā yakārasthā yūpastambhanivāsinī

yamaghnī yamakalpā ca yaśaḥkāmā yatīśvarī /
yamādīyoganiratā yatiduḥkhāpahāriṇī

yajñā yajvā yajurgeyā yajñeśvarapativratā /
yajñasūtrapradā yaṣṭrī yajñakarmaphalapradā

yavāṅkurapriyā yantrī yavadaghnī yavārcitā /
yajñakartī yajñabhoktrī yajñāṅgī yajñavāhinī

yajñasākṣī yajñamukhī yajuṣī yajñarakṣiṇī /
bhakārarūpā bhadreśī bhadrakalyāṇadāyinī

bhaktapriyā bhaktasakhā bhaktābhīṣṭasvarūpiṇī /
bhaginī bhaktasulabhā bhaktidā bhaktavatsalā

bhaktacaitanyanilayā bhaktabandhavimocanī /
bhaktasvarūpiṇī bhāgyā bhaktārogyapradāyinī

bhaktamātā bhaktagamyā bhaktābhīṣṭapradāyinī /
bhāskarī bhairavī bhogyā bhavānī bhayanāśinī

bhadrātmikā bhadradāyī bhadrakālī bhayaṅkarī /
bhaganiṣyandinī bhūmnī bhavabandhavimocanī

bhīmā bhavasakhā bhaṅgībhaṅgurā bhīmadarśinī /
bhallī bhallīdharā bhīrurbheruṇḍā bhīmapāpahā

bhāvajñā bhogadātrī ca bhavaghnī bhūtibhūṣaṇā /
bhūtidā bhūmidātrī ca bhūpatitvapradāyinī

bhrāmarī bhramarī bhārī bhavasāgaratāriṇī /
bhaṇḍāsuravadhotsāhā bhāgyadā bhāvamodinī

gokārarūpā gomātā gurupatnī gurupriyā /
gorocanapriyā gaurī govindaguṇavardhinī

gopālaceṣṭāsantuṣṭā govardhanavivardhinī /
govindarūpiṇī goptrī gokulānāṃvivardhinī

gītā gītapriyā geyā godā gorūpadhāriṇī /
gopī gohatyaśamanī guṇinī guṇivigrahā

govindajananī goṣṭhā gopradā gokulotsavā /
gocarī gautamī gaṅgā gomukhī guṇavāsinī

gopālī gomayā gumbhā goṣṭhī gopuravāsinī /
garuḍā gamanaśreṣṭhā gāruḍā garuḍadhvajā

gambhīrā gaṇḍakī guṇḍā garuḍadhvajavallabhā /
gaganasthā gayāvāsā guṇavṛttirguṇodbhavā

dekārarūpā deveśī dṛgrūpā devatārcitā /
devarājeśvarārdhāṅgī dīnadainyavimocanī

dekālaparijñānā deśopadravanāśinī /
devamātā devamohā devadānavamohinī

devendrārcitapādaśrī devadevaprasādinī /
deśāntarī deśarūpā devālayanivāsinī

deśabhramaṇasantuṣṭā deśasvāsthyapradāyinī /
devayānā devatā ca devasainyaprapālinī

vakārarūpā vāgdevī vedamānasagocarā /
vaikuṇṭhadeśikā vedyā vāyurūpā varapradā

vakratuṇḍārcitapadā vakratuṇḍaprasādinī /
vaicitryarūpā vasudhā vasusthānā vasupriyā

vaṣaṭkārasvarūpā ca varārohā varāsanā /
vaidehī jananī vedyā vaidehīśokanāśinī

vedamātā vedakanyā vedarūpā vinodinī /
vedāntavādinī caiva vedāntanilayapriyā

vedaśravā vedaghoṣā vedagītā vinodinī /
vedaśāstrārthatatvajñā vedamārga pradarśinī

vaidikīkarmaphaladā vedasāgaravāḍavā /
vedavandyā vedaguhyā vedāśvarathavāhinī

vedacakrā vedavandyā vedāṅgī vedavitkaviḥ /
sakārarūpā sāmantā sāmagāna vicakṣaṇā

sāmrājñī nāmarūpā ca sadānandapradāyinī /
sarvadṛksanniviṣṭā ca sarvasampreṣiṇīsahā

savyāpasavyadā savyasadhrīcī ca sahāyinī /
sakalā sāgarā sārā sārvabhaumasvarūpiṇī

santoṣajananī sevyā sarveśī sarvarañjanī /
sarasvatī samārādyā sāmadā sindhusevitā

sammohinī sadāmohā sarvamāṅgalyadāyinī /
samastabhuvaneśānī sarvakāmaphalapradā

sarvasiddhipradā sādhvī sarvajñānapradāyinī /
sarvadāridryaśamanī sarvaduḥkhavimocanī

sarvarogapraśamanī sarvapāpavimocanī /
samadṛṣṭissamaguṇā sarvagoptrī sahāyinī

sāmarthyavāhini sāṅkhyā sāndrānandapayodharā /
saṅkīrṇamandirasthānā sāketakulapālinī

saṃhāriṇī sudhārūpā sāketapuravāsinī /
sambodhinī samasteśī satyajñānasvarūpiṇī

sampatkarī samānāṅgī sarvabhāvasusaṃsthitā /
sandhyāvandanasuprītā sanmārgakulapālinī

sañjīvinī sarvamedhā sabhyā sādhusupūjitā /
samiddhā sāmighenī ca sāmānyā sāmavedinī

samuttīrṇā sadācārā saṃhārā sarvapāvanī /
sarpiṇī sarpamātā ca samādānasukhapradā

sarvarogapraśamanī sarvajñatvaphalapradā /
saṅkramā samadā sindhuḥ sargādikaraṇakṣamā

saṅkaṭā saṅkaṭaharā sakuṅkumavilepanā /
sumukhā sumukhaprītā samānādhikavarjitā

saṃstutā stutisuprītā satyavādī sadāspadā /
dhīkārarūpā dhīmātā dhīrā dhīraprasādinī

dhīrottamā dhīradhīrā dhīrasthā dhīraśekharā /
dhṛtirūpā dhanāḍhyā ca dhanapā dhanadāyinī

dhīrūpā dhīravandyā ca dhīprabhā dhīramānasā /
dhīgeyā dhīpadasthā ca dhīśānā dhīprasādinī

makārarūpā maitreyā mahāmaṅgaladevatā /
manovaikalyaśamanī malayācalavāsinī

malayadhvajarājaśrīrmāyāmohavibhedinī /
mahādevī mahārūpā mahābhairavapūjitā

manuprītā mantramūrtirmantravaśyā maheśvarī /
mattamātaṅgagamanā madhurā merumaṇṭapā

mahāguptā mahābhūtā mahābhayavināśinī /
mahāśauryā mantriṇī ca mahāvairivināśinī

mahālakṣmīrmahāgaurī mahiṣāsuramardinī /
mahī ca maṇḍalasthā ca madhurāgamapūjitā

medhā medhākarī medhyā mādhavī madhumardhinī /
mantrā mantramayī mānyā māyā mādhavamantriṇī

māyādūrā ca māyāvī māyājñā mānadāyinī /
māyāsaṅkalpajananī māyāmāyavinodinī

māyā prapañcaśamanī māyāsaṃhārarūpiṇī /
māyāmantraprasādā ca māyājanavimohinī

mahāpathā mahābhogā mahavighnavināśinī /
mahānubhāvā mantrāḍhyā mahamaṅgaladevatā

hikārarūpā hṛdyā ca hitakāryapravardhinī /
heyopādhivinirmuktā hīnalokavināśinī

hrīṅkārī hrīmatī hṛdyā hrīṃ devī hrīṃ svabhāvinī /
hrīṃ mandirā hitakarā hṛṣṭā ca hrīṃ kulodbhavā

hitaprajñā hitaprītā hitakāruṇyavardhinī /
hitāsinī hitakrodhā hitakarmaphalapradā

himā haimavatī haimnī hemācalanivāsinī /
himāgajā hitakarī hitakarmasvabhāvinī

dhīkārarūpā dhiṣaṇā dharmarūpā dhaneśvarī /
dhanurdharā dharādhārā dharmakarmaphalapradā

dharmācārā dharmasārā dharmamadhyanivāsinī /
dhanurvidyā dhanurvedā dhanyā dhūrtavināśinī

dhanadhānyādhenurūpā dhanāḍhyā dhanadāyinī /
dhaneśī dharmaniratā dharmarājaprasādinī

dharmasvarūpā dharmeśī dharmādharmavicāriṇī /
dharmasūkṣmā dharmagehā dharmiṣṭhā dharmagocarā

yokārarūpā yogeśī yogasthā yogarūpiṇī /
yogyā yogīśavaradā yogamārganivāsinī

yogāsanasthā yogeśī yogamāyāvilāsinī /
yoginī yogaraktā ca yogāṅgī yogavigrahā

yogavāsā yogabhāgyā yogamārgapradarśinī /
yokārarūpā yodhāḍhyāyodhrī yodhasutatparā

yoginī yoginīsevyā yogajñānaprabodhinī /
yogeśvaraprāṇānāthā yogīśvarahṛdisthitā

yogā yogakṣemakartrī yogakṣemavidhāyinī /
yogarājeśvarārādhyā yogānandasvarūpiṇī

nakārarūpā nādeśī nāmapārāyaṇapriyā /
navasiddhisamārādhyā nārāyaṇamanoharī

nārāyaṇī navādhārā navabrahmārcitāṅghrikā /
nagendratanayārādhyā nāmarūpavivarjitā

narasiṃhārcitapadā navabandhavimocanī /
navagrahārcitapadā navamīpūjanapriyā

naimittikārthaphaladā nanditārivināśinī /
navapīṭhasthitā nādā navarṣigaṇasevitā

navasūtrāvidhānajñā naimiśāraṇyavāsinī /
navacandanadigdhāṅgī navakuṅkumadhāriṇī

navavastraparīdhānā navaratnavibhūṣaṇā /
navyabhasmavidagdhāṅgī navacandrakalādharā

prakārarūpā prāṇeśī prāṇasaṃrakṣaṇīparā /
prāṇasañjīvinī prācyā prāṇiprāṇaprabodhinī

prajñā prājñā prabhāpuṣpā pratīcī prabhudā priyā /
prācīnā prāṇicittasthā prabhā prajñānarūpiṇī

prabhātakarmasantuṣṭā prāṇāyāmaparāyaṇā /
prāyajñā praṇavā prāṇā pravṛttiḥ prakṛtiḥ parā

prabandhā prathamā caiva pragā prārabdhanāśinī /
prabodhaniratā prekṣyā prabandhā prāṇasākṣiṇī

prayāgatīrthanilayā pratyakṣaparameśvarī /
praṇavādyantanilayā praṇavādiḥ prajeśvarī

cokārarūpā coraghnī corabādhāvināśinī /
caitanyacetanasthā ca caturā ca camatkṛtiḥ

cakravartikulādhārā cakriṇī cakradhāriṇī /
cittaceyā cidānandā cidrūpā cidvilāsinī

cintācittapraśamanī cintitārthaphalapradā /
cāmpeyī campakaprītā caṇḍī caṇḍāṭṭahāsinī

caṇḍeśvarī caṇḍamātā caṇḍamuṇḍavināśinī /
cakorākṣī ciraprītā cikurā cikurālakā

caitanyarūpiṇī caitrī cetanā cittasākṣiṇī /
citrā citravicitrāṅgī citraguptaprasādinī

calanā cakrasaṃsthā ca cāmpeyī calacitriṇī /
candramaṇḍalamadhyasthā candrakoṭisuśītalā

candrānujasamārādhyā candrā caṇḍamahodarī /
carcitāriścandramātā candrakāntā caleśvarī

carācaranivāsī ca cakrapāṇisahodarī /
dakārarūpā dattaśrīdāridryacchedakāriṇī

dattātreyasya varadā daryā ca dīnavatsalā /
dakṣārādhyā dakṣakanyā dakṣayajñavināśinī

dakṣā dākṣāyaṇī dīkṣā dṛṣṭā dakṣavarapradā /
dakṣiṇā dakṣiṇārādhyā dakṣiṇāmūrtirūpiṇī

dayāvatī damasvāntā danujārirdayānidhiḥ /
dantaśobhanibhā devī damanā dāḍimastanā

daṇḍā ca damayatrī ca daṇḍinī damanapriyā /
daṇḍakāraṇyanilayā daṇḍakārivināśinī

daṃṣṭrākarālavadanā daṇḍaśobhā darodarī /
daridrāriṣṭaśamanī damyā damanapūjitā

dānavārcita pādaśrīrdraviṇā drāviṇī dayā /
dāmodarī dānavārirdāmodarasahodarī

dātrī dānapriyā dāmnī dānaśrīrdvijavanditā /
dantigā daṇḍinī dūrvā dadhidugdhasvarūpiṇī

dāḍimībījasandohā dantapaṅktivirājitā /
darpaṇā darpaṇasvacchā drumamaṇḍalavāsinī

daśāvatārajananī daśadigdaivapūjitā /
damā daśadiśā dṛśyā daśadāsī dayānidhiḥ

deśakālaparijñānā deśakālaviśodhinī /
daśamyādikalārādhyā daśakālavirodhinī /
daśamyādikalārādhya daśagrīvavirodhinī

daśāparādhaśamanī daśavṛttiphalapradā /
yātkārarūpiṇī yājñī yādavī yādavārcitā

yayātipūjanaprītā yājñikī yājakapriyā /
yajamānā yaduprītā yāmapūjāphalapradā

yaśasvinī yamārādhyā yamakanyā yatīśvarī /
yamādiyogasantuṣṭā yogīndrahṛdayā yamā

yamopādhivinirmuktā yaśasyavidhisannutā /
yavīyasī yuvaprītā yātrānandā yatīśvarī

yogapriyā yogagamyā yogadhyeyā yathecchagā /
yogapriyā yajñasenī yogarūpā yatheṣṭadā

// śrīgāyatrī divyasahasranāmastotraṃ sampūrṇam //