garuḍopaniṣat · Chapter 1

// garuḍopaniṣat //
viṣaṃ brahmātiriktaṃ syādamṛtaṃ brahmamātrakam /
brahmātiriktaṃ viṣavadbrahmamātraṃ khageḍaham //
ॐ bhadraṃ karṇebhiḥ śṛṇuyāma devāḥ //
bhadraṃ paśyemākṣabhiryajatrāḥ //
sthirairaṅgaistuṣṭuvām̐sastanūbhiḥ //
vyaśema devahitaṃ yadāyuḥ //
svasti na indro vṛddhaśravāḥ //
svasti naḥ pūṣā viśvavedāḥ //
svasti nastārkṣyo ariṣṭanemiḥ //
svasti no bṛhaspatirdadhātu //
ॐ śāntiḥ śāntiḥ śāntiḥ //
hariḥ ॐ // gāruḍabrahmavidyāṃ pravakṣyāmi yāṃ brahmā vidyāṃ
nāradāya provāca nārado bṛhatsenāya bṛhatsena indrāya indro
bharadvājāya bharadvājo jīvatkāmebhyaḥ śiṣyebhyaḥ prāyacchat /
asyāḥ śrīmahāgaruḍabrahmavidyāyā brahmā ṛṣiḥ /
gāyatrī chandaḥ /
śrībhagavānmahāgaruḍo devatā /
śrīmahāgaruḍaprītyarthe mama
sakalaviṣavināśanārthe jape viniyogaḥ /
ॐ namo bhagavate aṅguṣṭhābhyāṃ namaḥ /
śrī mahāgaruḍāya tarjanībhyāṃ svāhā /
pakṣīndrāya madhyamābhyāṃ vaṣaṭ /
śrīviṣṇuvallabhāya anāmikābhyāṃ hum /
trailokya paripūjitāya kaniṣṭhikābhyāṃ vauṣaṭ /
ugrabhayaṅkarakālānalarūpāya karatalakarapṛṣṭhābhyāṃ phaṭ /
evaṃ hṛdayādinyāsaḥ /
bhūrbhuvaḥ suvaromiti digbandhaḥ /
dhyānam /
svastiko dakṣiṇaṃ pādaṃ vāmapādaṃ tu kuñcitam /
prāñjalīkṛtadoryugmaṃ garuḍaṃ harivallabham

ananto vāmakaṭako yajñasūtraṃ tu vāsukiḥ /
takṣakāḥ kaṭisūtraṃ tu hāraḥ kārkoṭa ucyate

padmo dakṣiṇakarṇe tu mahāpadmastu vāmake /
śaṅkhaḥ śiraḥpradeśe tu gulikastu bhujāntare

pauṇḍrakālikanāgābhyāṃ cāmarābhyāṃ svījitam /
elāputrakanāgādyaiḥ sevyamānaṃ mudānvitam

kapilākṣaṃ garutmantaṃ suvarṇasadṛśaprabham /
dīrghabāhuṃ bṛhatskandhaṃ nādābharaṇabhūṣitam

ājānutaḥ suvarṇābhamākaṭyostuhinaprabham /
kuṅkumāruṇamākaṇṭhaṃ śatacandra nibhānanam

nīlāgranāsikāvaktraṃ sumahaccārukuṇḍalam /
daṃṣṭrākarālavadanaṃ kirīṭamukuṭojjvalam

kuṅkumāaruṇasarvāṅgaṃ kundendudhavalānanam /
viṣṇuvāha namastubhyaṃ kṣemaṃ kuru sadā mama

evaṃ dhyāyettrisandhyāsu garuḍaṃ nāgabhūṣaṇam /
viṣaṃ nāśayate śīghraṃ tūlaraśimivānalaḥ

omīmoṃ namo bhagavate śrīmahāgaruḍāya pakṣīndrāya
viṣṇuvallabhāya trailokyaparipūjitāya ugrabhayaṃkarakālānalarūpāya
vajranakhāya vajratuṇḍāya vajradantāya vajradaṃṣṭrāya
vajrapucchāya vajrapakṣālakṣitaśarīrāya omīkehyehi
śrīmahāgaruḍāpratiśāsanāsminnāviśāviśa duṣṭānāṃ
viṣaṃ dūṣayadūṣaya spṛṣṭānāṃ nāśayanāśaya
dandaśūkānāṃ viṣaṃ dārayadāraya pralīnaṃ viṣaṃ
praṇāśayapraṇāśaya sarvaviṣaṃ nāśayanāśaya hanahana
dahadaha pacapaca bhasmīkurubhasmīkuru huṃ phaṭ svāhā //
candramaṇḍalasaṃkāśa sūryamaṇḍalamuṣṭika /
pṛthvīmaṇḍalamudrāṅga śrīmahāgaruḍāya viṣaṃ harahara huṃ phaṭ svāhā //
ॐ kṣipa svāhā //
omīṃ sacarati sacarati tatkārī matkārī viṣāṇāṃ ca viṣarūpiṇī
viṣadūṣiṇī viṣaśoṣaṇī viṣanāśinī viṣahāriṇī
hataṃ viṣaṃ naṣṭaṃ viṣamantaḥpralīnaṃ viṣaṃ pranaṣṭaṃ
viṣaṃ hataṃ te brahmaṇā viṣaṃ hatamindrasya vajreṇa svāhā //
ॐ namo bhagavate mahāgaruḍāya viṣṇuvāhanāya
trailokyaparipūjitāya vajranakhavajratuṇḍāya vajrapakṣālaṃkṛta-
śarīrāya ehyehi mahāgaruḍa viṣaṃ chindhicchindhi
āveśayāveśaya huṃ phaṭ svāhā //
suparṇo'si garutmāntrivṛtte śiro gāyatraṃ cakṣuḥ stoma ātmā
sāma te tanūrvāmadevyaṃ bṛhadrathantare pakṣau yajñāyajñiyaṃ
pucchaṃ chandāṃsyaṅgāni dhiṣṇiyā śaphā yajūṃṣi nāma //
suparṇo'si garutmāndivaṃ gaccha suvaḥ pata omīṃ brahmavidyā-
mamāvāsyāyāṃ paurṇamāsyāṃ purovāca sacarati sacarati
tatkārī matkārī viṣanāśinī viṣadūṣiṇī viṣahāriṇī hataṃ
viṣaṃ naṣṭaṃ viṣaṃ pranaṣṭaṃ viṣaṃ hatamindrasya vajreṇa svāhā //
tasryam /
yadyanantakadūto'si yadi vānantakaḥ svayaṃ sacarati sacarati
tatkārī matkārī viṣanāśinī viṣadūṣiṇī hataṃ viṣaṃ naṣṭaṃ
viṣaṃ hatamindrasya vajreṇa viṣaṃ hataṃ te brahmaṇā viṣamindrasya
vajreṇa svāhā /
yadi vāasukidūto'si yadi vā vāsukiḥ svayaṃ sacarati sacarati
tatkārī matkārī viṣanāśinī viṣadūṣiṇī hataṃ viṣaṃ
naṣṭaṃ viṣaṃ hatamindrasya vajreṇa viṣaṃ hataṃ te brahmaṇā
viṣamindrasya vajreṇa svāhā yadi vā takṣakaḥ svayaṃ sacarati
sacarati tatkārī matkārī viṣanāśinī viṣadūṣiṇī hataṃ viṣaṃ
naṣṭaṃ viṣaṃ hatamindrasya vajreṇa viṣaṃ hataṃ brahmaṇā
viṣamindrasya vajreṇa svāhā //
yadi karkoṭakadūto'si yadi vā karkoṭakaḥ svayaṃ sacarati sacarati
tatkārī matkārī viṣanāśinī viṣadūṣiṇī hataṃ viṣaṃ naṣṭaṃ viṣaṃ
hatamindrasya vajreṇa viṣaṃ hataṃ te brahmaṇā viṣamindrasya vajreṇa svāhā //
yadi padmakadūto'si yadi vā padmakaḥ svayaṃ sacarati sacarati
tatkārī matkārī viṣanāśinī viṣadūṣiṇī hataṃ viṣaṃ
naṣṭaṃ viṣaṃ hatamindrasya vajreṇa viṣaṃ hataṃ te brahmaṇā
viṣamindrasya vajreṇa svāhā //
yadi mahāpadmakadūto'si yadi vā mahāpadmakaḥ svayaṃ
sacarati sacarati tatkārī matkārī viṣanāśinī viṣadūṣiṇī hataṃ
viṣaṃ naṣṭaṃ viṣaṃ hatamindrasya vajreṇa viṣaṃ hataṃ te brahmaṇā
viṣamindrasya vajreṇa svāhā //
yadi śaṅkhakadūto'si yadi vā śaṅkhakaḥ svayaṃ
sacarati sacarati tatkārī matkārī viṣanāśinī viṣadūṣiṇī
hataṃ viṣaṃ naṣṭaṃ viṣaṃ hatamindrasya vajreṇa viṣaṃ
hataṃ te brahmaṇā viṣamindrasya vajreṇa svāhā //
yadi gulikadūto'si yadi vā gulikaḥ svayaṃ sacarati sacarati
tatkārī matkārī viṣanāśinī viṣadūṣiṇī viṣahāriṇī
hataṃ viṣaṃ naṣṭaṃ viṣaṃ hatamindrasya vajreṇa viṣaṃ
hataṃ te brahmaṇā viṣamindrasya vajreṇa svāhā //
yadi pauṇḍrakālikadūto'si yadi vā pauṇḍrakālikaḥ svayaṃ
sacarati sacarati tatkārī matkārī viṣanāśinī viṣadūṣiṇī
viṣahāriṇī hataṃ viṣaṃ naṣṭaṃ viṣaṃ hatamindrasya vajreṇa
viṣaṃ hataṃ te brahmaṇā viṣamindrasya vajreṇa svāhā //
yadi nāgakadūto'si yadi vā nāgakaḥ svayaṃ sacarati sacarati
tatkārī matkārī viṣanāśinī viṣadūṣiṇī viṣahāriṇī hataṃ
viṣaṃ naṣṭaṃ viṣaṃ hatamindrasya vajreṇa viṣaṃ hataṃ te
brahmaṇā viṣamindrasya vajreṇa svāhā //
yadi lūtānāṃ pralūtānāṃ yadi vṛścikānāṃ yadi ghoṭakānāṃ
yadi sthāvarajaṅgamānāṃ sacarati sacarati tatkārī matkārī
viṣanāśinī viṣadūṣiṇī viṣahāriṇī hataṃ viṣaṃ naṣṭaṃ
viṣaṃ hatamindrasya vajreṇa viṣaṃ hataṃ te brahmaṇā viṣamindrasya
vajreṇa svāhā /
anantavāsukitakṣakakarkoṭakapadmakamahāpadmaka-
śaṅkhakagulikapauṇḍrakālikanāgaka ityeṣāṃ divyānāṃ
mahānāgānāṃ mahānāgādirūpāṇāṃ viṣatuṇḍānāṃ viṣadantānāṃ
viṣadaṃṣṭrāṇāṃ viṣāṅgānāṃ viṣapucchānāṃ viśvacārāṇāṃ
vṛścikānāṃ lūtānāṃ pralūtānāṃ mūṣikāṇāṃ gṛhagaulikānāṃ
gṛhagodhikānāṃ ghraṇāsānāṃ gṛhagirigahvarakālānalavalmīkodbhūtānāṃ
tārṇānāṃ pārṇānāṃ kāṣṭhadāruvṛkṣakoṭarasthānāṃ
mūlatvagdāruniryāsapatrapuṣpaphalodbhūtānāṃ duṣṭakīṭakapiśvāna-
mārjārajaṃbukavyāghravarāhāṇāṃ jarāyujāṇḍajodbhijjasvedajānāṃ
śastrabāṇakṣatasphoṭavraṇamahāvraṇakṛtānāṃ kṛtrimāṇāmanyeṣāṃ
bhūtavetālakūṣmāṇḍapiśācapretarākṣasayakṣabhayapradānāṃ
viṣatuṇḍadaṃṣṭrānāṃ viṣāṅgānāṃ viṣapucchānāṃ viṣāṇāṃ
viṣarūpiṇī viṣadūṣiṇī viṣaśoṣiṇī viṣanāśinī viṣahāriṇī
hataṃ viṣaṃ naṣṭaṃ viṣamantaḥpralīnaṃ viṣaṃ pranaṣṭaṃ viṣaṃ hataṃ te
brahmaṇā viṣamindrasya vajreṇa svāhā /
ya imāṃ brahmavidyāmamāvāsyāyāṃ
paṭhecchṛṇuyādvā yāvajjīvaṃ na hiṃsanti sarpāḥ /
aṣṭau brāhmaṇāngrāhayitvā tṛṇena mocayet /
śataṃ brāhmaṇāngrāhayitvā cakṣuṣā mocayet /
sahasraṃ brāhmaṇāngrāhayitvā manasā mocayet /
sarpāñjale na muñcanti /
tṛṇe na muñcanti /
kāṣṭhe na muñcantītyāha bhagavānbrahmetyupaniṣat //
ॐ bhadraṃ karṇebhiḥ śṛṇuyāma devāḥ //
bhadraṃ paśyemākṣabhiryajatrāḥ //
sthirairaṅgaistuṣṭuvām̐sastanūbhiḥ //
vyaśema devahitaṃ yadāyuḥ //
svasti na indro vṛddhaśravāḥ //
svasti naḥ pūṣā viśvavedāḥ //
svasti nastārkṣyo ariṣṭanemiḥ //
svasti no bṛhaspatirdadhātu //
ॐ śāntiḥ śāntiḥ śāntiḥ //
hariḥ ॐ tatsat //
iti śrīgāruḍopaniṣatsamāptā //
adhikādhyayanāya