Garuda Purana · Chapter 1.117

iti śrīgāruḍe mahāpurāṇe pūrvakhaṇḍe prathamāṃśākhye ācārakāṇḍe tithyādivratavarṇanaṃ nāma ṣoḍaśottaraśatatamo 'dhyāyaḥ
śrīgaruḍamahāpurāṇam- 117
brahmovāca /
mārgaśīrṣe site pakṣe vyāsāṃnaṅgatrayodaśī /
mallikājaṃ dantakāṣṭhaṃ dhutūraiḥ pūjayecchivam

anaṅgāyeti naivedyaṃ madhaprāśyātha pauṣake /
yogeśvaraṃ pūjayecca bilvapatraiḥ kadambajam /
dantakāṣṭhaṃ candanādi naivedyaṃ kṛsarādikam

māghe naṭeśvarāyārcya kundairmauktikamālayā /
plakṣeṇa dantakāṣṭhaṃ ca naivedyaṃ pūrikā mune

vīreśvaraṃ phālgune tu pūjayettu marūbakaiḥ /
śarkarāśākamaṇḍāśca cūtajaṃ dantadhāvanam

caitre yajetsu rūpāya karpūraṃ prāśayenniśi /
dantadhāvanāṭajaṃ naivedyaṃ śaṣkulīṃ dadet

pūjā damanakaḥ śambhorveśākhe 'śokrapuṣpakaiḥ /
mahārūpāya naivedyaṃ guḍabhaktaṃ puṭṭabaram

dantakāṣṭhaṃ prāśayecca dadejjatīphalaṃ tathā /
pradyumnaṃ pūjayejjyeṣṭhe campakairbilvajaṃ daśet

lavagārā tathā ṣaḍhi umāmadati śāsanaḥ? /
aguruṃ dantakāṣṭhaṃ ca tamapāmārgakairyajet

śrāvaṇe karavīraṃ ca śambhave śūlapāṇaye /
gandhāśano ghṛtādyaiśca karavīrajaśodhanam

sadyojātaṃ bhādrapade bakulaiḥ pūpakairyajet /
gandharvāśo madanakamāśvine ca surādhipam

campakaiḥ svarṇavā (dhār) yādo jinmodakasaṃpradaḥ /
khādiraṃ dantakāṣṭhaṃ ca kārtike rudramarcayet

badaryā dantakāṣṭhaṃ ca madano daśamāśanaḥ /
kṣīraśākapradaḥ padmairabdante śivamarcayet

ratimuktamanaṅgaṃ ca svarṇamaṇḍalasaṃsthitam /
gandhādyairdaśasāhasraṃ tilavrīhyādi homayet

jāgaraṃ gītavaditraṃ prabhita'bhyārcya vedayet /
dvijāya śayyāṃ pātraṃ ca chatraṃ vastramupānahau

gāṃ dvijaṃ bhojayedbhaktyā kṛtakṛtyo bhavennaraḥ /
etadudyāpanaṃ sarvaṃ vrateṣu dhyepamīdṛśam /
phalañca śrīsutārogyasaubhāgyasvargataṃ bhavet