gaṇeśāṣṭakam · Chapter 1

śrīgaṇeśāya namaḥ /
ॐ asya śrīsaṅkaṣṭaharaṇastotramantrasya śrīmahāgaṇapatirdevatā,
saṅkaṣṭaharaṇārtha jape viniyogaḥ /
ॐ ॐ ॐkārarūpaṃ tryahamiti ca paraṃ yatsvarūpaṃ turīyaṃ
traiguṇyātītanīlaṃ kalayati manasasteja-sindūra-mūrtim /
yogīndrairbrahmarandhraiḥ sakala-guṇamayaṃ śrīharendreṇa saṅgaṃ
gaṃ gaṃ gaṃ gaṃ gaṇeśaṃ gajamukhamabhito vyāpakaṃ cintayanti

vaṃ vaṃ vaṃ vighnarājaṃ bhajati nijabhuje dakṣiṇe nyastaśuṇḍaṃ
kraṃ kraṃ kraṃ krodhamudrā-dalita-ripubalaṃ kalpavṛkṣasya mūle /
daṃ daṃ daṃ dantamekaṃ dadhati munimukhaṃ kāmadhenvā niṣevyaṃ
dhaṃ dhaṃ dhaṃ dhārayantaṃ dhanadamatighiyaṃ siddhi-buddhi-dvitīyam

tuṃ tuṃ tuṃ tuṅgarūpaṃ gaganapathi gataṃ vyāp‍nuvantaṃ digantān
klīṃ klīṃ klīṃ kāranāthaṃ galitamadamilallola-mattālimālam /
hrīṃ hrīṃ hrīṃ kārapiṅgaṃ sakalamunivara-dhyeyamuṇḍaṃ ca śuṇḍaṃ
śrīṃ śrīṃ śrīṃ śrīṃ śrayantaṃ nikhila-nidhikulaṃ naumi herambabimbam

lauṃ lauṃ lauṃ kāramādyaṃ praṇavamiva padaṃ mantramuk‍tāvalīnāṃ
śuddhaṃ vighneśabījaṃ śaśikarasadṛśaṃ yogināṃ dhyānagamyam /
ḍaṃ ḍaṃ ḍaṃ ḍāmarūpaṃ dalitabhavabhayaṃ sūryakoṭiprakāśaṃ
yaṃ yaṃ yaṃ yajñanāthaṃ japati munivaro bāhyamabhyantaraṃ ca

huṃ huṃ huṃ hemavarṇaṃ śruti-gaṇita-guṇaṃ śūrpakaṇaṃ kṛpāluṃ
dhyeyaṃ sūryasya bimbaṃ hyurasi ca vilasat sarpayajñopavītam /
svāhā huṃ phaṭ namo'ntaiṣṭha-ṭhaṭhaṭha-sahitaiḥ pallavaiḥ sevyamānaṃ
mantrāṇāṃ saptakoṭi-praguṇita-mahimādhāramīśaṃ prapadye

pūrvaṃ pīṭhaṃ trikoṇaṃ tadupari-ruciraṃ ṣaṭkapatraṃ pavitraṃ
yasyordhvaṃ śuddharekhā vasudala kamalaṃ vā svatejaścatusram /
madhye huṅkāra bījaṃ tadanu bhagavataḥ svāṅgaṣaṭkaṃ ṣaḍasre
aṣṭau śak‍tīśca siddhīrbahulagaṇapatirviṣṭaraścā'ṣṭakaṃ ca

dharmādyaṣṭau prasiddhā daśadiśi viditā vā dhvajālyaḥ kapālaṃ
tasya kṣetrādināthaṃ munikulamakhilaṃ mantramudrāmaheśam /
evaṃ yo bhak‍tiyuk‍to japati gaṇapatiṃ puṣpa-dhūpā-'kṣatādyai-
rnaivedyairmodakānāṃ stutiyuta-vilasad-gītavāditra-nādaiḥ

rājānastasya bhṛtyā iva yuvatikulaṃ dāsavat sarvadāste
lakṣmīḥ sarvāṅgayuk‍tā śrayati ca sadanaṃ kiṅkarāḥ sarvalokāḥ /
putrāḥ putryaḥ pavitrā raṇabhuvi vijayī dyūtavāde'pi vīro
yasyeśo vighnarājo nivasati hṛdaye bhak‍tibhāgyasya rūdraḥ

// iti saṅkaṣṭaharaṇaṃ gaṇeśāṣṭakaṃ sampūrṇam //