Scripture Library
Atharva Veda · Chapter 7.85
7.85.1
pūrṇā paścāduta pūrṇā purastādunmadhyataḥ paurṇamāsī jigāya /
tasyāṃ devaiḥ saṃvasanto mahitvā nākasya pṛṣṭhe samiṣā madema
7.85.2
vṛṣabhaṃ vājinaṃ vayaṃ paurṇamāsaṃ yajāmahe /
sa no dadātvakṣitāṃ rayimanupadasvatīm
7.85.3
prajāpate na tvadetānyanyo viśvā rūpāṇi paribhūrjajāna /
yatkāmāste juhumastan no astu vayaṃ syāma patayo rayīṇām
7.85.4
paurṇamāsī prathamā yajñiyāsīdahnāṃ rātrīṇāmatiśarvareṣu /
ye tvāṃ yajñairyajñiye ardhayantyamī te nāke sukṛtaḥ praviṣṭāḥ
Original text: atharvavedaḥ · Sanskrit Wikisource contributors · Sanskrit Wikisource · CC BY-SA 4.0