Scripture Library
Atharva Veda · Chapter 7.5
7.5.1
yajñena yajñamayajanta devāstāni dharmāṇi prathamānyāsan /
te ha nākaṃ mahimānaḥ sacanta yatra pūrve sādhyāḥ santi devāḥ
7.5.2
yajño babhūva sa ā babhūva sa pra jajñe sa u vāvṛdhe punaḥ /
sa devānāmadhipatirbabhūva so asmāsu draviṇamā dadhātu
7.5.3
yaddevā devān haviṣā'yajantāmartyān manasā martyena /
madema tatra parame vyoman paśyema taduditau sūryasya
7.5.4
yatpuruṣeṇa haviṣā yajñaṃ devā atanvata /
asti nu tasmādojīyo yadvihavyenejire
7.5.5
mugdhā devā uta śunā'yajantota goraṅgaiḥ purudhā'yajanta /
ya imaṃ yajñaṃ manasā ciketa pra ṇo vocastamiheha bravaḥ
Original text: atharvavedaḥ · Sanskrit Wikisource contributors · Sanskrit Wikisource · CC BY-SA 4.0