Scripture Library
Atharva Veda · Chapter 6.93
6.93.1
yamo mṛtyuraghamāro nirṛtho babhruḥ śarvo'stā nīlaśikhaṇḍaḥ /
devajanāḥ senayottasthivāṃsaste asmākaṃ pari vṛñjantu vīrān
6.93.2
manasā homairharasā ghṛtena śarvāyāstra uta rājñe bhavāya /
namasyebhyo nama ebhyaḥ kṛṇomyanyatrāsmadaghaviṣā nayantu
6.93.3
trāyadhvaṃ no aghaviṣābhyo vadhādviśve devā maruto viśvavedasaḥ /
agnīṣomā varuṇaḥ pūtadakṣā vātāparjanyayoḥ sumatau syāma
Original text: atharvavedaḥ · Sanskrit Wikisource contributors · Sanskrit Wikisource · CC BY-SA 4.0