Scripture Library
Atharva Veda · Chapter 6.30
6.30.1
devā imaṃ madhunā saṃyutaṃ yavaṃ sarasvatyāmadhi maṇāvacarkṛṣuḥ /
indra āsītsīrapatiḥ śatakratuḥ kīnāśā āsan marutaḥ sudānavaḥ
6.30.2
yaste mado'vakeśo vikeśo yenābhihasyaṃ puruṣaṃ kṛṇoṣi /
ārāttvadanyā vanāni vṛkṣi tvaṃ śami śatavalśā vi roha
6.30.3
bṛhatpalāśe subhage varṣavṛddha ṛtāvari /
māteva putrebhyo mṛḍa keśebhyaḥ śami
Original text: atharvavedaḥ · Sanskrit Wikisource contributors · Sanskrit Wikisource · CC BY-SA 4.0