Scripture Library
Atharva Veda · Chapter 6.27
6.27.1
devāḥ kapota iṣito yadicchan dūto nirṛtyā idamājagāma /
tasmā arcāma kṛṇavāma niṣkṛtiṃ śaṃ no astu dvipade śaṃ catuṣpade
6.27.2
śivaḥ kapota iṣito no astvanāgā devāḥ śakuno gṛhaṃ naḥ /
agnirhi vipro juṣatāṃ havirnaḥ pari hetiḥ pakṣiṇī no vṛṇaktu
6.27.3
hetiḥ pakṣiṇī na dabhātyasmān āṣṭrī padaṃ kṛṇute agnidhāne /
śivo gobhya uta puruṣebhyo no astu mā no devā iha hiṃsītkapota
Original text: atharvavedaḥ · Sanskrit Wikisource contributors · Sanskrit Wikisource · CC BY-SA 4.0