Atharva Veda · Chapter 6.138

tvaṃ vīrudhāṃ śreṣṭhatamābhiśrutāsyoṣadhe /
imaṃ me adya puruṣaṃ klībamopaśinaṃ kṛdhi

klībaṃ kṛdhyopaśinamatho kurīriṇaṃ kṛdhi /
athāsyendro grāvabhyāmubhe bhinattvāṇḍyau

klība klībaṃ tvākaraṃ vadhre vadhriṃ tvākaramarasārasaṃ tvākaram /
kurīramasya śīrṣaṇi kumbaṃ cādhinidadhmasi

ye te nāḍyau devakṛte yayostiṣṭhati vṛṣṇyam /
te te bhinadmi śamyayāmuṣyā adhi muṣkayoḥ

yathā naḍaṃ kaśipune striyo bhindantyaśmanā /
evā bhinadmi te śepo'muṣyā adhi muṣkayoḥ