Atharva Veda · Chapter 6.128

śakadhūmaṃ nakṣatrāṇi yadrājānamakurvata /
bhadrāhamasmai prāyacchan idaṃ rāṣṭramasāditi

bhadrāhaṃ no madhyaṃdine bhadrāhaṃ sāyamastu naḥ /
bhadrāhaṃ no ahnāṃ prātā rātrī bhadrāhamastu naḥ

ahorātrābhyāṃ nakṣatrebhyaḥ sūryācandramasābhyām /
bhadrāhamasmabhyaṃ rājan chakadhūma tvaṃ kṛdhi

yo no bhadrāhamakaraḥ sāyaṃ naktamatho divā /
tasmai te nakṣatrarāja śakadhūma sadā namaḥ