Atharva Veda · Chapter 6.110

pratno hi kamīḍyo adhvareṣu sanācca hotā navyaśca satsi /
svāṃ cāgne tanvaṃ piprāyasvāsmabhyaṃ ca saubhagamā yajasva

jyeṣṭhaghnyāṃ jāto vicṛtoryamasya mūlabarhaṇātpari pāhyenam /
atyenaṃ neṣadduritāni viśvā dīrghāyutvāya śataśāradāya

vyāghre'hnyajaniṣṭa vīro nakṣatrajā jāyamānaḥ suvīraḥ /
sa mā vadhītpitaraṃ vardhamāno mā mātaraṃ pra minījjanitrīm