Atharva Veda · Chapter 5.27

ūrdhvā asya samidho bhavantyūrdhvā śukrā śocīṣyagneḥ /
dyumattamā supratīkaḥ sasūnustanūnapādasuro bhūripāṇiḥ

devo deveṣu devaḥ patho anakti madhvā ghṛtena

madhvā yajñaṃ nakṣati praiṇāno narāśaṃso agniḥ sukṛddevaḥ savitā viśvavāraḥ

acchāyameti śavasā ghṛtā cidīḍāno vahnirnamasā

agniḥ sruco adhvareṣu prayakṣu sa yakṣadasya mahimānamagneḥ

tarī mandrāsu prayakṣu vasavaścātiṣṭhan vasudhātaraśca

dvāro devīranvasya viśve vrataṃ rakṣanti viśvahā

uruvyacasāgnerdhāmnā patyamāne /
ā suṣvayantī yajate upāke uṣāsānaktemaṃ yajñamavatāmadhvaraṃ naḥ

daivā hotāra ūrdhvamadhvaraṃ no'gnerjihvayābhi gṛnata gṛnatā naḥ sviṣṭaye /
tisro devīrbarhiredaṃ sadantāmiḍā sarasvatī mahī bhāratī gṛṇānā

tan nasturīpamadbhutaṃ purukṣu /
deva tvaṣṭā rāyaspoṣaṃ vi ṣya nābhimasya

vanaspate'va sṛjā rarāṇaḥ /
tmanā devebhyo agnirhavyaṃ śamitā svadayatu

agne svāhā kṛṇuhi jātavedaḥ /
indrāya yajñaṃ viśve devā haviridaṃ juṣantām