Scripture Library
Atharva Veda · Chapter 4.7
4.7.1
vāridaṃ vārayātai varaṇāvatyāmadhi /
tatrāmṛtasyāsiktaṃ tenā te vāraye viṣam
4.7.2
arasaṃ prācyaṃ viṣamarasaṃ yadudīcyam /
athedamadharācyaṃ karambheṇa vi kalpate
4.7.3
karambhaṃ kṛtvā tiryaṃ pībaspākamudārathim /
kṣudhā kila tvā duṣṭano jakṣivāntsa na rūrupaḥ
4.7.4
vi te madaṃ madāvati śaramiva pātayāmasi /
pra tvā carumiva yeṣantaṃ vacasā sthāpayāmasi
4.7.5
pari grāmamivācitaṃ vacasā sthāpayāmasi /
tiṣṭhā vṛkṣa iva sthāmnyabhrikhāte na rūrupaḥ
4.7.6
pavastaistvā paryakrīṇan dūrśebhirajinairuta /
prakrīrasi tvamoṣadhe'bhrikhāte na rūrupaḥ
4.7.7
anāptā ye vaḥ prathamā yāni karmāṇi cakrire /
vīrān no atra mā dabhan tadva etatpuro dadhe
Original text: atharvavedaḥ · Sanskrit Wikisource contributors · Sanskrit Wikisource · CC BY-SA 4.0