Atharva Veda · Chapter 20.94

ā yātvindraḥ svapatirmadāya yo dharmaṇā tūtujānastuviṣmān /
pratvakṣāṇo ati viśvā sahāṃsyapāreṇa mahatā vṛṣṇyena

suṣṭhāmā rathaḥ suyamā harī te mimyakṣa vajro nṛpate gabhastau /
śībhaṃ rājan supathā yāhyarvāṅvardhāma te papuso vṛṣṇyāni

endravāho nṛpatiṃ vajrabāhumugramugrāsastaviṣāsa enam /
pratvakṣasaṃ vṛṣabhaṃ satyaśuṣmamemasmatrā sadhamādo vahantu

evā patiṃ droṇasācaṃ sacetasamūrja skambhaṃ dharuṇa ā vṛṣāyase /
ojaḥ kṛṣva saṃ gṛbhāya tve apyaso yathā kenipānāmino vṛdhe

gamann asme vasūnyā hi śaṃsiṣaṃ svāśiṣaṃ bharamā yāhi sominaḥ /
tvamīśiṣe sāsminn ā satsi barhiṣyanādhṛṣyā tava pātrāṇi dharmaṇā

pṛthakprāyan prathamā devahūtayo'kṛṇvata śravasyāni duṣṭarā /
na ye śekuryajñiyāṃ nāvamāruhamirmaiva te nyaviśanta kepayaḥ

evaivāpāgapare santu dūdhyo'śvā yeṣāṃ duryuga āyuyujre /
itthā ye prāgupare santi dāvane purūṇi yatra vayunāni bhojanā

girīṃrajrān rejamānāmadhārayaddyauḥ krandadantarikṣāṇi kopayat/
samīcīne dhiṣaṇe vi ṣkabhāyati vṛṣṇaḥ pītvā mada ukthāni śaṃsati

imaṃ bibharmi sukṛtaṃ te aṅkuśaṃ yenārujāsi maghavaṃ chaphārujaḥ /
asmintsu te savane astvoktyaṃ suta iṣṭau maghavan bodhyābhagaḥ

gobhiṣṭaremāmatiṃ durevāṃ yavena kṣudhaṃ puruhūta viśvām /
vayaṃ rājabhiḥ prathamā dhanānyasmākena vṛjanenā jayema

bṛhaspatirnaḥ pari pātu paścādutottarasmādadharādaghayoḥ /
indraḥ purastāduta madhyato naḥ sakhā sakhibhyo varivaḥ kṛṇotu