Scripture Library
Atharva Veda · Chapter 20.9
20.9.1
taṃ vo dasmamṛtīṣahaṃ vasormandānamandhasaḥ /
abhi vatsaṃ na svasareṣu dhenava indraṃ gīrbhirnavāmahe
20.9.2
dyukṣaṃ sudānuṃ taviṣībhirāvṛtaṃ giriṃ na purubhojasam /
kṣumantaṃ vājaṃ śatinaṃ sahasriṇaṃ makṣū gomantamīmahe
20.9.3
tattvā yāmi suvīryaṃ tadbrahma pūrvacittaye /
yenā yatibhyo bhṛgave dhane hite yena praskaṇvamāvitha
20.9.4
yenā samudramasṛjo mahīrapastadindra vṛṣṇi te śavaḥ /
sadyaḥ so asya mahimā na saṃnaśe yaṃ kṣoṇīranucakrade
Original text: atharvavedaḥ · Sanskrit Wikisource contributors · Sanskrit Wikisource · CC BY-SA 4.0