Scripture Library
Atharva Veda · Chapter 20.85
20.85.1
mā cidanyadvi śaṃsata sakhāyo mā riṣaṇyata /
indramitstotā vṛṣaṇaṃ sacā sute muhurukthā ca śaṃsata
20.85.2
avakrakṣiṇaṃ vṛṣabhaṃ yathājuraṃ gāṃ na carṣaṇīsaham /
vidveṣaṇaṃ saṃvananobhayaṃkaraṃ maṃhiṣṭhamubhayāvinam
20.85.3
yacciddhi tvā janā ime nānā havanta ūtaye /
asmākaṃ brahmedamindra bhūtu te'hā viśvā ca vardhanam
20.85.4
vi tartūryante maghavan vipaścito'ryo vipo janānām /
upa kramasva pururūpamā bhara vājaṃ nediṣṭhamūtaye
Original text: atharvavedaḥ · Sanskrit Wikisource contributors · Sanskrit Wikisource · CC BY-SA 4.0