Atharva Veda · Chapter 20.74
yacciddhi satya somapā anāśastā iva smasi /
ā tū na indra śaṃsaya goṣvaśveṣu śubhriṣu sahasreṣu tuvīmagha
śiprin vājānāṃ pate śacīvastava daṃsanā /
ā tū na indra śaṃsaya goṣvaśveṣu śubhriṣu sahasreṣu tuvīmagha
ni ṣvāpayā mithūdṛśā sastāmabudhyamāne /
ā tū na indra śaṃsaya goṣvaśveṣu śubhriṣu sahasreṣu tuvīmagha
sasantu tyā arātayo bodhantu śūra rātayaḥ /
ā tū na indra śaṃsaya goṣvaśveṣu śubhriṣu sahasreṣu tuvīmagha
samindra gardabhaṃ mṛṇa nuvantaṃ papayāmuyā /
ā tū na indra śaṃsaya goṣvaśveṣu śubhriṣu sahasreṣu tuvīmagha
patāti kuṇḍṛṇācyā dūraṃ vāto vanādadhi /
ā tū na indra śaṃsaya goṣvaśveṣu śubhriṣu sahasreṣu tuvīmagha
sarvaṃ parikrośaṃ jahi jambhayā kṛkadāśvam /
ā tū na indra śaṃsaya goṣvaśveṣu śubhriṣu sahasreṣu tuvīmagha
Original text: atharvavedaḥ · Sanskrit Wikisource contributors · Sanskrit Wikisource · CC BY-SA 4.0