Atharva Veda · Chapter 20.56

indro madāya vāvṛdhe śavase vṛtrahā nṛbhiḥ /
tamin mahatsvājiṣūtemarbhe havāmahe sa vājeṣu pra no'viṣat

asi hi vīra senyo'si bhūri parādadiḥ /
asi dabhrasya cidvṛdho yajamānāya śikṣasi sunvate bhūri te vasu

yadudīrata ājayo dhṛṣṇave dhīyate dhanā /
yukṣvā madacyutā harī kaṃ hanaḥ kaṃ vasau dadho'smāmindra vasau dadhaḥ

mademade hi no dadiryūthā gavāmṛjukratuḥ /
saṃ gṛbhāya puru śatobhayāhastyā vasu śiśīhi rāya ā bhara

mādayasva sute sacā śavase śūra rādhase /
vidmā hi tvā purūvasumupa kāmāntsasṛjmahe'thā no'vitā bhava

ete ta indra jantavo viśvaṃ puṣyanti vāryam /
antarhi khyo janānāmaryo vedo adāśuṣāṃ teṣāṃ no veda ā bhara