Atharva Veda · Chapter 20.22

abhi tvā vṛṣabhā sute sutaṃ sṛjāmi pītaye /
tṛmpā vyaśnuhī madam

mā tvā mūrā aviṣyavo mopahasvāna ā dabhan /
mākīṃ brahmadviṣo vanaḥ

iha tvā goparīṇasā mahe mandantu rādhase /
saro gauro yathā piba

abhi pra gopatiṃ girendramarca yathā vide /
sūnuṃ satyasya satpatim

ā harayaḥ sasṛjrire'ruṣīradhi barhiṣi /
yatrābhi saṃnavāmahe

indrāya gāva āśiraṃ duduhre vajriṇe madhu /
yatsīmupahvare vidat