Scripture Library
Atharva Veda · Chapter 2.30
2.30.1
yathedaṃ bhūmyā adhi tṛṇaṃ vāto mathāyati /
evā mathnāmi te mano yathā māṃ kāminyaso yathā man nāpagā asaḥ
2.30.2
saṃ cen nayātho aśvinā kāminā saṃ ca vakṣathaḥ /
saṃ vāṃ bhagāso agmata saṃ cittāni samu vratā
2.30.3
yatsuparṇā vivakṣavo anamīvā vivakṣavaḥ /
tatra me gacchatāddhavaṃ śalya iva kulmalaṃ yathā
2.30.4
yadantaraṃ tadbāhyaṃ yadbāhyaṃ tadantaram /
kanyānāṃ viśvarūpāṇāṃ mano gṛbhāyauṣadhe
2.30.5
eyamagan patikāmā janikāmo'hamāgamam /
aśvaḥ kanikradadyathā bhagenāhaṃ sahāgamam
Original text: atharvavedaḥ · Sanskrit Wikisource contributors · Sanskrit Wikisource · CC BY-SA 4.0