Scripture Library
Atharva Veda · Chapter 2.3
2.3.1
ado yadavadhāvatyavatkamadhi parvatāt/
tatte kṛṇomi bheṣajaṃ subheṣajaṃ yathāsasi
2.3.2
ādaṅgā kuvidaṅga śataṃ yā bheṣajāni te /
teṣāmasi tvamuttamamanāsrāvamarogaṇam
2.3.3
nīcaiḥ khanantyasurā arusrāṇamidaṃ mahat/
tadāsrāvasya bheṣajaṃ tadu rogamanīnaśat
2.3.4
upajīkā udbharanti samudrādadhi bheṣajam /
tadāsrāvasya bheṣajaṃ tadu rogamaśīśamat
2.3.5
arusrāṇamidaṃ mahatpṛthivyā adhyudbhṛtam /
tadāsrāvasya bheṣajaṃ tadu rogamanīnaśat
2.3.6
śaṃ no bhavantvapa oṣadhayaḥ śivāḥ /
indrasya vajro apa hantu rakṣasa ārādvisṛṣṭā iṣavaḥ patantu rakṣasām
Original text: atharvavedaḥ · Sanskrit Wikisource contributors · Sanskrit Wikisource · CC BY-SA 4.0