Atharva Veda · Chapter 19.35

indrasya nāma gṛhṇanta ṛṣayo jaṅgiḍaṃ daduḥ /
devā yaṃ cakrurbheṣajamagre viṣkandhadūṣaṇam

sa no rakṣatu jaṅgiḍo dhanapālo dhaneva /
devā yaṃ cakrurbrāhmaṇāḥ paripāṇamarātiham

durhārdaḥ saṃghoraṃ cakṣuḥ pāpakṛtvānamāgamam /
tāṃstvaṃ sahasracakṣo pratībodhena nāśaya paripāṇo'si jaṅgiḍaḥ

pari mā divaḥ pari mā pṛthivyāḥ paryantarikṣātpari mā vīrudbhyaḥ /
pari mā bhūtātpari mota bhavyāddiśodiśo jaṅgiḍaḥ pātvasmān

ya ṛṣṇavo devakṛtā ya uto vavṛte'nyaḥ /
sarvāṃstān viśvabheṣajo'rasāṃ jaṅgiḍaskarat