Scripture Library
Atharva Veda · Chapter 1.33
1.33.1
hiraṇyavarṇāḥ śucayaḥ pāvakā yāsu jātaḥ savitā yāsvagniḥ /
yā agniṃ garbhaṃ dadhire suvarṇāstā na āpaḥ śaṃ syonā bhavantu
1.33.2
yāsāṃ rājā varuṇo yāti madhye satyānṛte avapaśyan janānām /
yā agniṃ garbhaṃ dadhire suvarṇāstā na āpaḥ śaṃ syonā bhavantu
1.33.3
yāsāṃ devā divi kṛṇvanti bhakṣaṃ yā antarikṣe bahudhā bhavanti /
yā agniṃ garbhaṃ dadhire suvarṇāstā na āpaḥ śaṃ syonā bhavantu
1.33.4
śivena mā cakṣuṣā paśyatāpaḥ śivayā tanvopa spṛśata tvacaṃ me /
ghṛtaścutaḥ śucayo yāḥ pāvakāstā na āpaḥ śaṃ syonā bhavantu
Original text: atharvavedaḥ · Sanskrit Wikisource contributors · Sanskrit Wikisource · CC BY-SA 4.0