Scripture Library
Atharva Veda · Chapter 1.30
1.30.1
viśve devā vasavo rakṣatemamutādityā jāgṛta yūyamasmin /
memaṃ sanābhiruta vānyanābhirmemaṃ prāpatpauruṣeyo vadho yaḥ
1.30.2
ye vo devāḥ pitaro ye ca putrāḥ sacetaso me śṛṇutedamuktam /
sarvebhyo vaḥ pari dadāmyetaṃ svastyenaṃ jarase vahātha
1.30.3
ye devā divi ṣṭha ye pṛthivyāṃ ye antarikṣa oṣadhīṣu paśuṣvapsvantaḥ /
te kṛṇuta jarasamāyurasmai śatamanyān pari vṛṇaktu mṛtyūn
1.30.4
yeṣāṃ prayājā uta vānuyājā hutabhāgā ahutādaśca devāḥ /
yeṣāṃ vaḥ pañca pradiśo vibhaktāstān vo asmai satrasadaḥ kṛṇomi
Original text: atharvavedaḥ · Sanskrit Wikisource contributors · Sanskrit Wikisource · CC BY-SA 4.0