Scripture Library
Atharva Veda · Chapter 1.25
1.25.1
yadagnirāpo adahatpraviśya yatrākṛṇvan dharmadhṛto namāṃsi /
tatra ta āhuḥ paramaṃ janitraṃ sa naḥ saṃvidvān pari vṛṅgdhi takman
1.25.2
yadyarciryadi vāsi śociḥ śakalyeṣi yadi vā te janitram /
hrūḍurnāmāsi haritasya deva sa naḥ saṃvidvān pari vṛṅgdhi takman
1.25.3
yadi śoko yadi vābhiśoko yadi vā rājño varuṇasyāsi putraḥ /
hrūḍurnāmāsi haritasya deva sa naḥ saṃvidvān pari vṛṅgdhi takman
1.25.4
namaḥ śītāya takmane namo rūrāya śociṣe kṛṇomi /
yo anyedyurubhayadyurabhyeti tṛtīyakāya namo astu takmane
Original text: atharvavedaḥ · Sanskrit Wikisource contributors · Sanskrit Wikisource · CC BY-SA 4.0