Scripture Library
Atharva Veda · Chapter 1.1
1.1.1
ye triṣaptāḥ pariyanti viśvā rūpāṇi bibhrataḥ /
vācaspatirbalā teṣāṃ tanvo adya dadhātu me
1.1.2
punarehi vacaspate devena manasā saha /
vasoṣpate ni ramaya mayyevāstu mayi śrutam
1.1.3
ihaivābhi vi tanūbhe ārtnī iva jyayā /
vācaspatirni yacchatu mayyevāstu mayi śrutam
1.1.4
upahūto vācaspatirupāsmān vācaspatirhvayatām /
saṃ śrutena gamemahi mā śrutena vi rādhiṣi
Original text: atharvavedaḥ · Sanskrit Wikisource contributors · Sanskrit Wikisource · CC BY-SA 4.0