āśrayāṣṭakam · Chapter 1

giricaraṃ karuṇāmṛta sāgaraṃ
paricaraṃ paramaṃ mṛgayāparam /
suruciraṃ sucarācaragocaraṃ
hariharātmajamīśvaramāśraye

praṇatasañcayacintita kalpakaṃ
praṇatamādiguruṃ suraśilpakam /
praṇavarañjita mañjuḻatalpakaṃ
hariharātmajamīśvaramāśraye

arisaroruhaśaṅkhagadādharaṃ
parighamudgarabāṇadhanurdharam /
kṣurika tomara śaktilasatkaraṃ
hariharātmajamīśvaramāśraye

vimalamānasa sārasabhāskaraṃ
vipulavetradharaṃ prayaśaskaram /
vimatakhaṇḍana caṇḍadhanuṣkaraṃ
hariharātmajamīśvaramāśraye

sakalaloka namaskṛta pādukaṃ
sakṛdupāsaka sajjanamodakam /
sukṛtabhaktajanāvana dīkṣakaṃ
hariharātmajamīśvaramāśraye

śaraṇakīrtana bhaktaparāyaṇaṃ
caraṇavāridharātmarasāyanam /
varakarāttavibhūti vibhūṣaṇaṃ
hariharātmajamīśvaramāśraye

mṛgamadāṅgita sattilakojvalaṃ
mṛgagaṇākalitaṃ mṛgayākulam /
mṛgavarāsanamadbhuta darśanaṃ
hariharātmajamīśvaramāśraye

guruvaraṃ karuṇāmṛta locanaṃ
nirupamaṃ nikhilāmayamocanam /
purusukhapradamātmanidarśanaṃ
hariharātmajamīśvaramāśraye