aparājitāstotram · Chapter 1

// aparājitāstotra //
ॐ namo'parājitāyai /
ॐ asyā vaiṣṇavyāḥ parāyā ajitāyā mahāvidyāyāḥ
vāmadeva-bṛhaspati-mārkeṇḍeyā ṛṣayaḥ /
gāyatryuṣṇiganuṣṭubbṛhatī chandāṃsi /
lakṣmīnṛsiṃho devatā /
ॐ klīṃ śrīṃ hrīṃ bījam /
huṃ śaktiḥ /
sakalakāmanāsiddhyarthaṃ aparājitavidyāmantrapāṭhe viniyogaḥ /
ॐ nilotpaladalaśyāmāṃ bhujaṅgābharaṇānvitām /
śuddhasphaṭikasaṅkāśāṃ candrakoṭinibhānanām

śaṅkhacakradharāṃ devī vaiṣṇvīmaparājitām
bālenduśekharāṃ devīṃ varadābhayadāyinīm

namaskṛtya papāṭhaināṃ mārkaṇḍeyo mahātapāḥ

mārkakaṇḍeya uvāca -
śṛṇuṣvaṃ munayaḥ sarve sarvakāmārthasiddhidām /
asiddhasādhanīṃ devīṃ vaiṣṇavīmaparājitām

ॐ namo nārāyaṇāya, namo bhagavate vāsudevāya,
namo'stvanantāya sahasraśīrṣāyaṇe, kṣīrodārṇavaśāyine,
śeṣabhogaparyyaṅkāya, garuḍavāhanāya, amoghāya
ajāya ajitāya pītavāsase,
ॐ vāsudeva saṅkarṣaṇa pradyumna, aniruddha,
hayagriva, matsya kūrmma, vārāha nṛsiṃha, acyuta,
vāmana, trivikrama, śrīdhara rāma rāma rāma /
varada, varada, varado bhava, namo'stu te, namo'stute, svāhā,
ॐ asura-daitya-yakṣa-rākṣasa-bhūta-preta-piśāca-kūṣmāṇḍa-
siddha-yoginī-ḍākinī-śākinī-skandagrahān
upagrahānnakṣatragrahāṃścānyā hana hana paca paca
matha matha vidhvaṃsaya vidhvaṃsaya vidrāvaya vidrāvaya
cūrṇaya cūrṇaya śaṅkhena cakreṇa vajreṇa śūlena
gadayā musalena halena bhasmīkuru kuru svāhā /
ॐ sahasrabāho sahasrapraharaṇāyudha,
jaya jaya, vijaya vijaya, ajita, amita,
aparājita, apratihata, sahasranetra,
jvala jvala, prajvala prajvala,
viśvarūpa bahurūpa, madhusūdana, mahāvarāha,
mahāpuruṣa, vaikuṇṭha, nārāyaṇa,
padmanābha, govinda, dāmodara, hṛṣīkeśa,
keśava, sarvāsurotsādana, sarvabhūtavaśaṅkara,
sarvaduḥsvapnaprabhedana, sarvayantraprabhañjana,
sarvanāgavimardana, sarvadevamaheśvara,
sarvabandhavimokṣaṇa,sarvāhitapramardana,
sarvajvarapraṇāśana, sarvagrahanivāraṇa,
sarvapāpapraśamana, janārdana, namo'stute svāhā /
viṣṇoriyamanuproktā sarvakāmaphalapradā /
sarvasaubhāgyajananī sarvabhītivināśinī

sarvaiṃśca paṭhitāṃ siddhairviṣṇoḥ paramavallabhā /
nānayā sadṛśaṃ kiṅcidduṣṭānāṃ nāśanaṃ param

vidyā rahasyā kathitā vaiṣṇavyeṣāparājitā /
paṭhanīyā praśastā vā sākṣātsattvaguṇāśrayā

ॐ śuklāmbaradharaṃ viṣṇuṃ śaśivarṇaṃ caturbhujam /
prasannavadanaṃ dhyāyetsarvavighnopaśāntaye

athātaḥ sampravakṣyāmi hyabhayāmaparājitām /
yā śaktirmāmakī vatsa rajoguṇamayī matā

sarvasattvamayī sākṣātsarvamantramayī ca yā /
yā smṛtā pūjitā japtā nyastā karmaṇi yojitā /
sarvakāmadudhā vatsa śṛṇuṣvaitāṃ bravīmi te

ya imāmaparājitāṃ paramavaiṣṇavīmapratihatāṃ
paṭhati siddhāṃ smarati siddhāṃ mahāvidyāṃ
japati paṭhati śṛṇoti smarati dhārayati kīrtayati vā
na tasyāgnivāyuvajropalāśanivarṣabhayaṃ,
na samudrabhayaṃ, na grahabhayaṃ, na caurabhayaṃ,
na śatrubhayaṃ, na śāpabhayaṃ vā bhavet /
kvacidrātryandhakārastrīrājakulavidveṣi-viṣagaragaradavaśīkaraṇa-
vidveṣṇoccāṭanavadhabandhanabhayaṃ vā na bhavet /
etairmantrairudāhṛtaiḥ siddhaiḥ saṃsiddhapūjitaiḥ /
ॐ namo'stute /
abhaye, anaghe, ajite, amite, amṛte, apare,
aparājite, paṭhati, siddhe jayati siddhe,
smarati siddhe, ekonāśītitame, ekākini, niścetasi,
sudrume, sugandhe, ekānnaśe, ume dhruve, arundhati,
gāyatri, sāvitri, jātavedasi, mānastoke, sarasvati,
dharaṇi, dhāraṇi, saudāmani, aditi, diti, vinate,
gauri, gāndhāri, mātaṅgī kṛṣṇe, yaśode, satyavādini,
brahmavādini, kāli, kapālini, karālanetre, bhadre, nidre,
satyopayācanakari, sthalagataṃ jalagataṃ antarikṣagataṃ
vā māṃ rakṣa sarvopadravebhyaḥ svāhā /
yasyāḥ praṇaśyate puṣpaṃ garbho vā patate yadi /
mriyate bālako yasyāḥ kākavandhyā ca yā bhavet

dhārayedyā imāṃ vidyāmetairdoṣairna lipyate /
garbhiṇī jīvavatsā syātputriṇī syānna saṃśayaḥ

bhūrjapatre tvimāṃ vidyāṃ likhitvā gandhacandanaiḥ /
etairdoṣairna lipyeta subhagā putriṇī bhavet

raṇe rājakule dyūte nityaṃ tasya jayo bhavet /
śastraṃ vārayate hyoṣā samare kāṇḍadāruṇe

gulmaśūlākṣirogāṇāṃ kṣipraṃ nāśyati ca vyathām //
śirorogajvarāṇāṃ na nāśinī sarvadehinām

ityeṣā kathitā vidhyā abhayākhyā'parājitā /
etasyāḥ smṛtimātreṇa bhayaṃ kvāpi na jāyate

nopasargā na rogāśca na yodhā nāpi taskarāḥ /
na rājāno na sarpāśca na dveṣṭāro na śatravaḥ

yakṣarākṣasavetālā na śākinyo na ca grahāḥ /
agnerbhayaṃ na vātācva na smudrānna vai viṣāt

kārmaṇaṃ vā śatrukṛtaṃ vaśīkaraṇameva ca /
uccāṭanaṃ stambhanaṃ ca vidveṣaṇamathāpi vā

na kiñcitprabhavettatra yatraiṣā vartate'bhayā /
paṭhed vā yadi vā citre pustake vā mukhe'thavā

hṛdi vā dvāradeśe vā vartate hyabhayaḥ pumān /
hṛdaye vinyasedetāṃ dhyāyeddevīṃ caturbhujām

raktamālyāmbaradharāṃ padmarāgasamaprabhām /
pāśāṅkuśābhayavarairalaṅkṛtasuvigrahām

sādhakebhyaḥ prayacchantīṃ mantravarṇāmṛtānyapi /
nātaḥ parataraṃ kiñcidvaśīkaraṇamanuttamam

rakṣaṇaṃ pāvanaṃ cāpi nātra kāryā vicāraṇā /
prātaḥ kumārikāḥ pūjyāḥ khādyairābharaṇairapi /
tadidaṃ vācanīyaṃ syāttatprītyā prīyate tu mām

ॐ athātaḥ sampravakṣyāmi vidyāmapi mahābalām /
sarvaduṣṭapraśamanīṃ sarvaśatrukṣayaṅkarīm

dāridryaduḥkhaśamanīṃ daurbhāgyavyādhināśinīm /
bhūtapretapiśācānāṃ yakṣagandharvarakṣasām

ḍākinī śākinī-skanda-kūṣmāṇḍānāṃ ca nāśinīm /
mahāraudriṃ mahāśaktiṃ sadyaḥ pratyayakāriṇīm

gopanīyaṃ prayatnena sarvasvaṃ pārvatīpateḥ /
tāmahaṃ te pravakṣyāmi sāvadhānamanāḥ śṛṇu

ekānhikaṃ dvyanhikaṃ ca cāturthikārddhamāsikam /
dvaimāsikaṃ traimāsikaṃ tathā cāturmāsikam

pāñcamāsikaṃ ṣāṅmāsikaṃ vātika paittikajvaram /
ślaiṣpikaṃ sātripātikaṃ tathaiva satatajvaram

mauhūrtikaṃ paittikaṃ śītajvaraṃ viṣamajvaram /
dvyahinkaṃ tryahnikaṃ caiva jvaramekāhnikaṃ tathā /
kṣipraṃ nāśayete nityaṃ smaraṇādaparājitā

ॐ hṝṃ hana hana, kāli śara śara, gauri dham,
dham, vidye āle tāle māle gandhe bandhe paca paca
vidye nāśaya nāśaya pāpaṃ hara hara saṃhāraya vā
duḥkhasvapnavināśini kamalastithate vināyakamātaḥ
rajani sandhye, dundubhināde, mānasavege, śaṅkhini,
cākriṇi gadini vajriṇi śūlini apamṛtyuvināśini
viśveśvari draviḍi drāviḍi draviṇi drāviṇi
keśavadayite paśupatisahite dundubhidamani durmmadadamani /
śabari kirāti mātaṅgi ॐ draṃ draṃ jraṃ jraṃ kraṃ
kraṃ turu turu ॐ draṃ kuru kuru /
ye māṃ dviṣanti pratyakṣaṃ parokṣaṃ vā tān sarvān
dama dama mardaya mardaya tāpaya tāpaya gopaya gopaya
pātaya pātaya śoṣaya śoṣaya utsādaya utsādaya
brahmāṇi vaiṣṇavi māheśvari kaumāri vārāhi nārasiṃhi
aindri cāmunḍe mahālakṣmi vaināyiki aupendri
āgneyi caṇḍi nairṛti vāyavye saumye aiśāni
ūrdhvamadhorakṣa pracaṇḍavidye indropendrabhagini /
ॐ namo devi jaye vijaye śānti svasti-tuṣṭi puṣṭi- vivarddhini /
kāmāṅkuśe kāmadudhe sarvakāmavaraprade /
sarvabhūteṣu māṃ priyaṃ kuru kuru svāhā /
ākarṣaṇi āveśani-, jvālāmālini-, ramaṇi rāmaṇi,
dharaṇi dhāriṇi, tapani tāpini, madani mādini, śoṣaṇi sammohini /
nīlapatāke mahānīle mahāgauri mahāśriye /
mahācāndri mahāsauri mahāmāyūri ādityaraśmi jāhnavi /
yamaghaṇṭe kiṇi kiṇi cintāmaṇi /
sugandhe surabhe surāsurotpanne sarvakāmadughe /
yadyathā manīṣitaṃ kāryaṃ tanmama siddhyatu svāhā /
ॐ svāhā /
ॐ bhūḥ svāhā /
ॐ bhuvaḥ svāhā /
ॐ svaḥ svahā /
ॐ mahaḥ svahā /
ॐ janaḥ svahā /
ॐ tapaḥ svāhā /
ॐ satyaṃ svāhā /
ॐ bhūrbhuvaḥ svaḥ svāhā /
yata evāgataṃ pāpaṃ tatraiva pratigacchatu svāhetyom /
amoghaiṣā mahāvidyā vaiṣṇavī cāparājitā

svayaṃ viṣṇupraṇītā ca siddheyaṃ pāṭhataḥ sadā /
eṣā mahābalā nāma kathitā te'parājitā

nānayā sadraśī rakṣā/ triṣu lokeṣu vidyate /
tamoguṇamayī sākṣadraudrī śaktiriyaṃ matā

kṛtānto'pi yato bhītaḥ pādamūle vyavasthitaḥ /
mūladhāre nyasedetāṃ rātrāvenaṃ ca saṃsmaret

nīlajīmūtasaṅkāśāṃ taḍitkapilakeśikām /
udyadādityasaṅkāśāṃ netratrayavirājitām

śaktiṃ triśūlaṃ śaṅkhaṃ ca pānapātraṃ ca vibhratīm /
vyāghracarmaparīdhānāṃ kiṅkiṇījālamaṇḍitām

dhāvantīṃ gaganasyāntaḥ tādukāhitapādakām /
daṃṣṭrākarālavadanāṃ vyālakuṇḍalabhūṣitām

vyāttavaktrāṃ lalajjihvāṃ bhṛkuṭīkuṭilālakām /
svabhaktadveṣiṇāṃ raktaṃ pibantīṃ pānapātrataḥ

saptadhātūn śoṣayantīṃ kruradṛṣṭayā vilokanāt /
triśūlena ca tajjihvāṃ kīlayanatīṃ muhurmuhaḥ

pāśena baddhvā taṃ sādhamānavantīṃ tadantike /
arddharātrasya samaye devīṃ dhāyenmahābalām

yasya yasya vadennāma japenmantraṃ niśāntake /
tasya tasya tathāvasthāṃ kurute sāpi yoginī

ॐ bale mahābale asiddhasādhanī svāheti /
amoghāṃ paṭhati siddhāṃ śrīvaiṣṇvīm

śrīmadaparājitāvidyāṃ dhyāyet /
duḥsvapne durāriṣṭe ca durnimitte tathaiva ca /
vyavahāre bhevetsiddhiḥ paṭhedvighnopaśāntaye

yadatra pāṭhe jagadambike mayā
visargabindva'kṣarahīnamīḍitam /
tadastu sampūrṇatamaṃ prayāntu me
saṅkalpasiddhistu sadaiva jāyatām

tava tattvaṃ na jānāmi kīdṛśāsi maheśvari /
yādṛśāsi mahādevī tādṛśāyai namo namaḥ