anasūyāstotram · Chapter 1

pativratāśiroratnabhūtā suṃdaravigrahā/ sucaritrā divyatejā sarvalokanamaskṛtā

viṣṇuprapautrī kapautrī satī kardamaputrikā/ devahūtisamutpannā sumukhī kapilasvasā

atripatnī mahābhāgā dayākṣāntyādibhūṣitā/ anasūyā vedageyā nijadharmajitākhilā

śrīdattātreyajananī caṃdramātā manasvinī/ durvāsojanayitrīśā jagatsaṃkaṭavāriṇī

caturviṃśatināmāni maṃgalāni parāṇi ca/ pāvanyānyanasūyāyā dattamātuḥ paṭhennaraḥ

trikālamekakālaṃ vā śraddhābhaktisamanvitaḥ/ tasya dharme rucirdatte bhaktimukti kramādbhavet

iti śrī pa. pa. śrīvāsudevānandasarasvatīviracitam anasūyāstotraṃ saṃpūrṇam//