amarakaviviracita ekākṣarī-kośaḥ · Chapter 1

(१)
viśvābhidhānakośāni pravilokya prabhāṣyate /
amareṇa kavīndreṇaikākṣaranāmamālikā

(२)
aḥ kṛṣṇaḥ āḥ svayaṃbhūriḥ kāma ī śrīrurīśvaraḥ /
ū rakṣaṇaḥ ṛ ṛ jñeyau devadānavamātarau

(३)
lardevasūrlrūrvārāhī bhavederviṣṇuraiḥ śivaḥ /
orvedhā auranaṃtaḥ syādaṃ brahma paramaḥ śivaḥ //
(४)
ko brahmātmaprakāśārke kaḥ syādvāyuyamāgniṣu/
kaṃ śīrṣe susukhe kustu bhūmau śabde ca kiṃ punaḥ //
(५)
syātkṣepanindayoḥ praśne vitarke ca khamindriye /
svargge vyomni mukhe śūnye sukhe saṃvidi kho ravau //
(६)
gastu gātari gaṃdharvve jñāyate gītau go vināyake /
svarge diśi paśau vajre bhūmāvindau jale giri //
(७)
ghastu sughaṭīśe ghā kiṃkiṣyā ca ghurdhvanau /
ṅaṃ mañjane ṅo vṛṣabhejine caḥ candracorayoḥ //
(८)
caḥsūrye kacchape chaṃ tu nirmale jastu jetari /
vijaye tejasi vāci piśācyāṃ jiḥ jave'pi ca//
(९)
jho naṣṭe rave vāyau ño gāyane ghargharadhvanau/
ṭaṃ pṛthivyāṃ karaṭe ca ṭho dhvanau ṭho maheśvare //
(१०)
śūnye bṛhadhvanau caṃdramaṃṅale ḍaṃ śive dhvanau /
ḍho bhaye nirguṇe śabde ḍhakkāyāṃ ṇastu niścaye //
(

jñāne tastaskare kroḍapuṃcchayostā punardayā/
tho bhītrāṇe mahīdhre daṃ patnyāṃ dā dātudānayoḥ //
(१२)
bandhe ca dhā guhye keśe dhātari dhīrmatau /
dhūrbhārakaṃpaciṃtāsu nau nare bandhubuddhayoḥ //
(१३)
nistu netari nuḥ stutyāṃ nauḥ sūrye pastu pātari /
pāvane jalayāne ca pho jhaṃjhājalaphenayoḥ //
(१४)
bhāḥ kāṃtau bhūrbhuvaḥ sthāne bhīrbhaye maḥ śive vidhau /
caṃdre śirasi mā māne śrīmātrauvāraṇe'vyayam //
(१५)
muḥ puṃsi baṃdhane yastu mātariśvani yaṃ yaśaḥ /
yāstu yātari khaṭvāṃge yāne lakṣmyāṃ ca ro dhṛtau //
(१६)
tīvre vaiśvānare kāme rāḥ svarṇe jalade dhvanau /
rī bhrame rūrbhaye sūrye lakṣaṇa iṃdre calanepi ca //
(१७)
laṃ taile līḥ punaḥ śleṣe lī bhaye vo maheśvare /
vaḥ paścimadiśāsvāmī va ivārthe smare'pyayam //
(१८)
śaṃ śubhe śā tu śobhāyām̐ śī śayane śu niśākare /
śaḥ śliṣṭe punargarbhe vimokṣe śaḥ parokṣake //
(१९)
sā lakṣmyāṃ ho nipāte ca huste dāruṇi śūlini /
śaṃ kṣetrarakṣasītyuktā mālā prāksūrisammatā //
iti ekākṣarīnāmamālā samāptā