aghanāśakagāyatrīstotram · Chapter 1

ॐ bhūrbhuvaḥ svaḥ tatsaviturvareṇyaṃ bhargo devasya dhīmahi dhiyo yo naḥ pracodayāt/
mūla pāṭha
Original Text
aghanāśakagāyatrīstotram
ādiśakte jaganmātarbhaktānugrahakāriṇi/
sarvatra vyāpike'nante śrīsaṃdhye te namo'stu te//
tvameva saṃdhyā gāyatrī sāvitri ca sarasvatī/
brāhmī ca vaiṣṇavī raudrī raktā śvetā sitetarā//
prātarbālā ca madhyāhne yauvanasthā bhavetpunaḥ/
vṛddhā sāyaṃ bhagavatī cintyate munibhiḥ sadā//
haṃsasthā garuḍārūḍhā tathā vṛṣabhavāhinī/
ṛgvedādhyāyinī bhūmau dṛśyate yā tapasvibhiḥ//
yajurvedaṃ paṭhantī ca antarikṣe virājate/
sā sāmagāpi sarveṣu bhrāmyamāṇā tathā bhuvi//
rudralokaṃ gatā tvaṃ hi viṣṇulokanivāsinī/
tvameva brahmaṇo loke'martyānugrahakāriṇī//
saptarṣiprītijananī māyā bahuvarapradā/
śivayoḥ karanetrotthā hyaśrusvedasamudbhavā//
ānandajananī durgā daśadhā paripaṭhyate/
vareṇyā varadā caiva variṣṭhā vararvṇinī//
gariṣṭhā ca varāhī ca varārohā ca saptamī/
nīlagaṃgā tathā saṃdhyā sarvadā bhogamokṣadā//
bhāgīrathī martyaloke pātāle bhogavatyapi/
trilokavāhinī devī sthānatrayanivāsinī//
bhūrlokasthā tvamevāsi dharitrī śokadhāriṇī/
bhuvo loke vāyuśaktiḥ svarloke tejasāṃ nidhiḥ//
maharloke mahāsiddhirjanaloke janetyapi/
tapasvinī tapoloke satyaloke tu satyavāk//
kamalā viṣṇuloke ca gāyatrī brahmalokagā/
rudraloke sthitā gaurī harārdhāṃgīnivāsinī//
ahamo mahataścaiva prakṛtistvaṃ hi gīyase/
sāmyāvasthātmikā tvaṃ hi śabalabrahmarūpiṇī//
tataḥ parāparā śaktiḥ paramā tvaṃ hi gīyase/
icchāśaktiḥ kriyāśaktirjñānaśaktistriśaktidā//
gaṃgā ca yamunā caiva vipāśā ca sarasvatī/
sarayūrdevikā sindhurnarmaderāvatī tathā//
godāvarī śatadruśca kāverī devalokagā/
kauśikī candrabhāgā ca vitastā ca sarasvatī//
gaṇḍakī tāpinī toyā gomatī vetravatyapi/
iḍā ca piṃgalā caiva suṣumṇā ca tṛtīyakā//
gāṃdhārī hastijihvā ca pūṣāpūṣā tathaiva ca/
alambuṣā kuhūścaiva śaṃkhinī prāṇavāhinī//
nāḍī ca tvaṃ śarīrasthā gīyase prāktanairbudhaiḥ/
hṛtapadmasthā prāṇaśaktiḥ kaṇṭhasthā svapnanāyikā//
tālusthā tvaṃ sadādhārā bindusthā bindumālinī/
mūle tu kuṇḍalī śaktirvyāpinī keśamūlagā//
śikhāmadhyāsanā tvaṃ hi śikhāgre tu manonmanī/
kimanyad bahunoktena yatkiṃcijjagatītraye//
tatsarvaṃ tvaṃ mahādevi śriye saṃdhye namo'stu te/
itīdaṃ kīrtitaṃ stotraṃ saṃdhyāyāṃ bahupuṇyadam//
mahāpāpapraśamanaṃ mahāsiddhividhāyakam/
ya idaṃ kīrtayet stotraṃ saṃdhyākāle samāhitaḥ//
aputraḥ prāpnuyāt putraṃ dhanārthī dhanamāpnuyāt/
sarvatīrthatapodānayajñayogaphalaṃ labhet//
bhogān bhuktvā ciraṃ kālamante mokṣamavāpnuyāt/
tapasvibhiḥ kṛtaṃ stotraṃ snānakāle tu yaḥ paṭhet//
yatra kutra jale magnaḥ saṃdhyāmajjanajaṃ phalam/
labhate nātra saṃdehaḥ satyaṃ ca nārada//
śrṛṇuyādyo'pi tadbhaktyā sa tu pāpāt pramucyate/
pīyūṣasadṛśaṃ vākyaṃ saṃdhyoktaṃ nāraderitam//
// iti śrīaghanāśaka gāyatrī stotraṃ sampūrṇam//
saṃbaṃdhita kaḍiyām̐
gāyatrī stotra
gāyatrī maṃtra
gāyatrī cālīsā
gāyatrī āratī
gāyatrī śāpa vimocanam
durgā cālīsā
durgā āratī
durgā saptaśatī
devī kavaca
gāyatrī parivāra kā sāhitya
bāharī kaḍiyām̐