विष्णुस्मृति · अध्याय 50

अस्थन्वतां तु सत्त्वानां सहस्रस्य प्रमापणे
पूर्णे चानस्य् अनस्थ्नां तु शूद्रहत्याव्रतं चरेत् ॥

किंचिद् एव तु विप्राय दद्याद् अस्थिमतां वधे
अनस्ह्थ्नां चैव हिंसायां प्राणायामेन शुध्यति ॥

फलदानां तु वृक्षाणां छेदने जप्यम् ऋक्शतम्
गुल्मवल्लीलतानां च पुष्पितानां च वीरुधाम् ॥

अन्नाद्यजानां सत्त्वानां रसजानां च सर्वशः
फलपुष्पोद्भवानां च घृतप्राशो विशोधनम् ॥

कृष्टजानाम् ओषधीनां जातानां च स्वयं वने
वृथालम्भे ऽनुगच्छेद् गां दिनम् एकम् पयोव्रतः ॥