स्कन्द पुराण · अध्याय 7.142

॥ ईश्वर उवाच ॥ ॥
ततो गच्छेन्महादेवि चित्रेश्वर मनुत्तमम्॥
धनुषां सप्तके तस्य स्थितमाग्नेयदक्षिणे

लिंगं महाप्रभावं हि सर्वपातकनाशनम् ॥
तत्र चित्रेश्वरं पूज्य नरकान्न भवेद्भयम्

पटस्थितं तस्य पापं चित्रो मार्जयति प्रिये ॥
तस्मात्सर्वप्रयत्नेन चित्रेशं पूजयेत्सदा ॥
यः स्यात्पापयुतो वापि नरकं नैव पश्यति

इति श्रीस्कांदे महापुराण एकाशीतिसाहस्र्यां संहितायां सप्तमे प्रभासखण्डे प्रथमे प्रभासक्षेत्रमाहात्म्ये चित्रेश्वर माहात्म्यवर्णनंनाम द्विचत्वारिंशदुत्तरशततमोऽध्यायः