ऋग्वेद · अध्याय 3.025

अग्ने दिवः सूनुर् असि प्रचेतास् तना पृथिव्या उत विश्ववेदाः ।
ऋधग् देवाँ इह यजा चिकित्वः ॥

अग्निः सनोति वीर्याणि विद्वान् सनोति वाजम् अमृताय भूषन् ।
स नो देवाँ एह वहा पुरुक्षो ॥

अग्निर् द्यावापृथिवी विश्वजन्ये आ भाति देवी अमृते अमूरः ।
क्षयन् वाजैः पुरुश्चन्द्रो नमोभिः ॥

अग्न इन्द्रश् च दाशुषो दुरोणे सुतावतो यज्ञम् इहोप यातम् ।
अमर्धन्ता सोमपेयाय देवा ॥

अग्ने अपां सम् इध्यसे दुरोणे नित्यः सूनो सहसो जातवेदः ।
सधस्थानि महयमान ऊती ॥