ऋग्विधान · अध्याय 3.17

हृद्यम्.एतत्.प्रयुज्ञीत.शिरसा.धारयेद्.गुरुम्.।
सुमित्रम्.तु.परिष्वज्य.मूर्धन्य्.आघ्राय.च.आत्मजम्.॥

हृद्यम्.एतत्.प्रयुञ्जीत.शान्त्य्.अर्थाय.सुखाय.च.।
असंसिद्धे.संवनने.पांसु.प्रतिकृतिम्.पथि.॥

प्रज्वाल्य.जुहुयाद्.अग्निम्.घृतेन.ब्राह्मणो.यदि.।
क्षत्रियस्य.तु.तैलेन.सार्षपेण.विशाम्.अपि.॥

आयसीम्.वा.प्रतिकृतिम्.अग्नि.मध्ये.निधापयेत्.।
ताम्.च.प्रज्वलिताम्.मत्वा.जुहुयात्.तन्मनाः.शुचिः.॥

उग्रेण.मनसा.हन्यात्.क्रुद्धश्.च.जुहुयाद्.घृतम्.।
यथा.यथा.प्रज्वलिते.हूयते.जात.वेदसि.॥

दीप्ता.प्रतिकृति.विप्रस्.तथा.स.वशम्.एष्यति.।
श्मशान.दग्ध.पांसूनाम्.कुर्याद्.वेदिम्.विलक्षणाम्.॥