ऋग्वेदसंहिता, पदपाठ · अध्याय 3.40

॥26॥.
-र्व्_3:3।1-
(र्व्_3,40)
इन्द्र । त्वा । वृषभम् । वयम् । सुते । सोमे । हवामहे । सः । पाहि । मध्वः । अन्धसः

इन्द्र । क्रतु-विदम् । सुतम् । सोमम् । हर्य । पुरु-स्तुत । पिब । आ । वृषस्व । ततृपिम्

इन्द्र । प्र । नः । धित-वानम् । यज्ञम् । विश्वेभिः । देवेभिः । तिर । स्तवान । विश्पते

इन्द्र । सोमाः । सुताः । इमे । तव । प्र । यन्ति । सत्-पते । क्षयम् । चन्द्रासः । इन्दवः

दधिष्व । जठरे । सुतम् । सोमम् । इन्द्र । वरेण्यम् । तव । द्युक्षासः । इन्दवः

॥1॥.
-र्व्_3:3।2-
गिर्वणः । पाहि । नः । सुतम् । मधोः । धाराभिः । अज्यसे । इन्द्र । त्वादातम् । इत् । यशः

अभि । द्युम्नानि । वनिनः । इन्द्रम् । सचन्ते । अक्षिता । पीत्वी । सोमस्य । ववृधे

अर्वावतः । नः । आ । गहि । परावतः । च । वृत्रहन् । इमाः । जुषस्व । नः । गिरः

यत् । अन्तरा । परावतम् । अर्वावतम् । च । हूयसे । इन्द्र । इह । ततः । आ । गहि