ग्रंथ पाठ

पैप्पलाद-संहिता · अध्याय 9.9

9.9.1

यस्य यव प्रसर्पस्य्
अङ्गमङ्गं परुष्परुः ।
तस्माद् यक्षं वि बाधस्व-
-उग्रो मध्यमशीर् इव ॥

9.9.2

शकलं च न ते यव-
-अन्या रुहन्त्य् ओषधीः ।
यव इद् यावयाद् गोर्
अश्वात् पुरुषाद् विषम् ॥

9.9.3

यवो राजा यवो भिषग्
यवस्य महिमा महान् ।
यवस्य मन्थं पपिवान्
इन्द्रश् चकार वीर्यम् ॥

9.9.4

आ भरामृतं घृतस्य
पुष्पम् आ भर ।
अनभ्रिखात ओषध
इदं दूषय यद् विषम् ॥

9.9.5

य आयन्ति दिग्धविद्धाः
शूद्रा राजन्या उत ।
चक्षुर् मे सर्व आदृश्य
ते यन्त्य् अगदाः पुनः ॥

मूल पाठ: Paippalāda-Saṃhitā · Edition: Dipak Bhattacharya The Paippalāda-Saṁhitā of the Atharvaveda. Volume One, Consisting of the first fifteen Kāṇḍas Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume Two, Consisting of the sixteenth Kāṇḍa Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume three, consisting of the Seventeenth and Eighteenth · Data entry Arlo Griffiths Thomas Zehnder Philipp Kubisch Duccio Lelli Alexander Lubotsky Carmen Spiers Michael Witzel · GRETIL (Göttingen) · CC BY-NC-SA 4.0