पैप्पलाद-संहिता · अध्याय 7.16
अग्निर् मा पातु वसुभिः पुरस्तात्
तस्मिन् क्रमे तस्मिं श्रये
तां पुरं प्रैमि ।
स मा रक्षतु स मा गोपायतु
तस्मा आत्मानं परि ददे स्वाहा ॥
वायुर् मान्तरिक्षेणैतस्या दिशः पातु
तस्मिन् (…) ॥
सोमो मा रुद्रैर् दक्षिणाया दिशः (…) ॥
वरुणो मादित्यैर् एतस्या दिशः (…) ॥
सूर्यो मा द्यावापृथिवीभ्यां प्रतीच्या दिशः पातु
तस्मिन् क्रमे तस्मिं श्रये
तां पुरं प्रैमि ।
स मा रक्षतु स मा गोपायतु
तस्मा आत्मानं परि ददे स्वाहा ॥
अपो मौषधीमतीर् एतस्या दिशः पान्तु
तासु क्रमे तासु श्रये
तां पुरं प्रैमि ।
ता मा रक्षन्तु ता मा गोपायन्तु
ताभ्य आत्मानं परि ददे स्वाहा ॥
विश्वकर्मा मा सप्तर्षिभिर् उदीच्या दिशः (…) ॥
इन्द्रो मा मरुत्वान् एतस्या दिशः (…) ॥
प्रजापतिर् मा प्रजननवान् सह प्रतिष्ठया ध्रुवाया दिशः (…) ॥
बृहस्पतिर् मा विश्वैर् देवैर् ऊर्ध्वाया दिशः पातु
तस्मिन् क्रमे तस्मिं श्रये
तां पुरं प्रैमि ।
स मा रक्षतु स मा गोपायतु
तस्मा आत्मानं परि ददे स्वाहा ॥
मूल पाठ: Paippalāda-Saṃhitā · Edition: Dipak Bhattacharya The Paippalāda-Saṁhitā of the Atharvaveda. Volume One, Consisting of the first fifteen Kāṇḍas Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume Two, Consisting of the sixteenth Kāṇḍa Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume three, consisting of the Seventeenth and Eighteenth · Data entry Arlo Griffiths Thomas Zehnder Philipp Kubisch Duccio Lelli Alexander Lubotsky Carmen Spiers Michael Witzel · GRETIL (Göttingen) · CC BY-NC-SA 4.0