ग्रंथ पाठ

पैप्पलाद-संहिता · अध्याय 2.77

2.77.1

अहं बिभर्मि ते मनो
अहं चित्तम् अहं व्रतम् ।
ममेद् अपि क्रताव् असो
मम चित्ते सचावहै ॥

2.77.2

आमना अस इहमना अस
इह ते रमतां मनः ।
मयि ते रमतां मनः ॥

2.77.3

आञ्जनस्य मधुघस्य
कुष्ठस्य नलदस्य च ।
वीरोदेकस्य मूलेन
मुखे निमन्दनं कृतम् ॥

2.77.4

मधु मे अन्तर् आस्ये
मुखे निमन्दनं कृतम् ।
तत्रो त्वं वि वर्तस्व
नराचीव वर्तसि ॥

2.77.5

यथा नेमी रथचक्रं
समन्तं परिषस्वजे ।
एवा परि ष्वजस्व मा
यथासन् मयि ते मनः ॥

मूल पाठ: Paippalāda-Saṃhitā · Edition: Dipak Bhattacharya The Paippalāda-Saṁhitā of the Atharvaveda. Volume One, Consisting of the first fifteen Kāṇḍas Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume Two, Consisting of the sixteenth Kāṇḍa Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume three, consisting of the Seventeenth and Eighteenth · Data entry Arlo Griffiths Thomas Zehnder Philipp Kubisch Duccio Lelli Alexander Lubotsky Carmen Spiers Michael Witzel · GRETIL (Göttingen) · CC BY-NC-SA 4.0