पैप्पलाद-संहिता · अध्याय 18.71

अकर्म ते स्वपसो अभूम
र्तम् अजस्रन्न् उषसो विभातीः ।
विश्वं तद् भद्रं यद् वहन्ति देवा
बृहद् वदेम विदथे सुवीराः ॥

इन्द्रो मा मरुत्वान् प्राच्या दिशः पातु
बाहुच्युता पृथिवी द्याम् इवोपरि ।
लोककृतः पथिकृतो यजामहे
ये देवानां घृतभागा इह स्थ ॥

धाता मा निरृत्या दक्षिणाया दिशः (…) ॥

अदितिर् मादित्यैः प्रतीच्या दिशः (…) ॥

आदित्यो मा विश्वैर् देवैर् उदीच्या दिशः पातु
बाहुच्युता पृथिवी द्याम् इवोपरि ।
(…) ॥

धर्ता घ त्वा धरुणो धारयात्य्
ऊर्ध्वं भानुं सविता द्याम् इवोपरि ।
लोककृतः पथिकृतो यजामहे
ये देवानां घृतभागा इह स्थ ॥

प्राच्यां त्वा दिशि पुरा संवृतः स्वदायाम् आ दधामि
बाहुच्युता पृथिवी द्याम् इवोपरि ।
(…) ॥

दक्षिणायां त्वा दिशि (…) ॥

प्रतीच्यां त्वा दिशि (…) ॥

उदीच्यां त्वा दिशि (…) ॥