पैप्पलाद-संहिता · अध्याय 17.28
तम् आदत्त तम् उद् ऐङ्गयत्
तम् उपामिमीत प्र हराणीति ॥
सो ऽस्य हस्ताद् अमुच्यत
दैवो वज्रः क्षुरः पविः सहस्रपृष्टिर् दिविस्पृशः ॥
स संशिञ्जानो ऽतिष्ठद् धरिहरा भवन्न् एतद् ऋच्छन् ॥
स समुद्रं प्राविशत्
स समुद्रम् अदहत् ॥
तस्मात् समुद्रो दुर्गिर् अपपिद्
वैश्वानरेण हि दग्धः ॥
स शक्र उद् अक्रामत् सो ऽध्यायद्
असौ वज्रो असुरैः सम्पद्यदेवास् तं रक्षति
व्रतं चराणीति स व्रतम् अचरत् ॥
सो ऽणुः कृशो ऽभवत्
तस्माद् अणुः कृशो व्रतचारी भवत्य्
अणुर् हि कृशो भूत्वेन्द्रो असुरान् अपावृङ्क्त ॥
स परमेष्ठिनम् उपाधावत् ॥
स प्रजापतिम् उपाधावत् ॥
स विष्णुम् उपाधावत् ॥
स गृहपतिम् उपाधावत् ॥
स विराजम् उपाधावत् ॥
स स्वराजम् उपाधावत् ॥
स सम्राजम् उपाधावत् ॥
सो ऽहोरात्रे उपधावत् ॥
सो ऽर्धमासान् उपाधावत् ॥
स मासान् उपाधावत् ॥
स ऋतून् उपाधावत् ॥
स आर्तवान् उपाधावत् ॥
स ऋषीन् उपाधावत् ॥
स आर्षेयान् उपाधावत् ॥
सो ऽङ्गिरस उपपाधावत् ॥
स आङ्गिरसान् उपाधावत् ॥
सो अथर्वण उपाधावत् ॥
स आथर्वणान् उपाधावत् ॥
विश्वान् देवान् मरुद्गणास् तम् अन्व् अवाद्रवन्
सोमः प्रथमो ऽथेन्द्राग्नी ॥
तम् उपामन्त्रयन्तापुण्यया वाचा क्रूरया च
हनिष्यामस् त्वा वित्त्वा चेत्स्यामोनचतमिष्यसीति
सो ऽशाम्यत् ॥
तस्माद् यो ब्रह्म वेदोतापस्कृतं शमयति दोहयत एवैनान् ॥
तम् ऋक्सामाभ्याम् आदत्त यजुषा यज्ञेन गायत्रेण वामदेव्येन च ॥
एतद् वा इदं सर्वं यद् ऋक्सामे एताव् इन्द्रस्य बाहू ॥
तम् आदत्त तं परुष्य् आधत्त ॥
प्रजा वै समृद्धिर् अक्षितिः पशवः परूंषि ॥
प्रजाम् एव समृद्धिम् अक्षितिम् अव रुन्धे
यः (…) ॥ [सेए 17.27.4ब्
मूल पाठ: Paippalāda-Saṃhitā · Edition: Dipak Bhattacharya The Paippalāda-Saṁhitā of the Atharvaveda. Volume One, Consisting of the first fifteen Kāṇḍas Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume Two, Consisting of the sixteenth Kāṇḍa Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume three, consisting of the Seventeenth and Eighteenth · Data entry Arlo Griffiths Thomas Zehnder Philipp Kubisch Duccio Lelli Alexander Lubotsky Carmen Spiers Michael Witzel · GRETIL (Göttingen) · CC BY-NC-SA 4.0