पैप्पलाद-संहिता · अध्याय 16.57
तम् अहं न प्रत्यञ्चं न पराञ्चं
नाहम् ओदनं न माम् ओदनः ।
ओदन एवौदनं प्राशीद् बृहस्पतिना शीर्ष्णा ॥
(…)
(…) प्राशीद् ब्रह्मणा मुखेन ॥
(…)
(…) प्राशीत् सूर्याचन्द्रमसाभ्याम् अक्षीभ्याम् ॥
(…)
(…) प्राशीद् बृहद्रथन्तराभ्यां श्रोत्राभ्याम् ॥
(…)
(…) प्राशीद् अग्नेर् आस्येन ॥
(…)
(…) प्राशीद् विद्युता जिह्वया ॥
(…)
(…) प्राशीन् मरुद्भिर् दन्तैः ॥
(…)
(…) प्राशीत् सप्तऋषिभिः प्राणैः ॥
(…)
(…) प्राशीत् पृथिव्योरसा ॥
(…)
(…) प्राशीद् अन्तरिक्षेण व्यचसा ॥
(…)
(…) प्राशीद् दिवा पृष्ठेन ॥
(…)
(…) प्राशीद् वरुणस्योदरेण ॥
(…)
(…) प्राशीत् समुद्रेण वस्तिना ॥
(…)
(…) प्राशीन् मित्रावरुणयोर् ऊरुभ्याम् ॥
(…)
(…) प्राशीद् ऋतस्याष्ठीवद्भ्याम् ॥
(…)
(…) प्राशीत् सवितुः पद्भ्याम् ॥
(…)
(…) प्राशीद् अस्यां प्रतिष्ठायां प्राशीत् ॥
तम् अहं न प्रत्यञ्चं न पराञ्चं
नाहम् ओदनं न माम् ओदनः ।
ओदन एवौदनं प्राशीत् सत्यस्य हस्ताभ्याम् ॥
त एनं प्राशिषुस् त एनम् आरूरुहन् त एनम् अजीगमन् ।
एतस्माद् वै लोका लोकांस् त्रयस्त्रिंशतं प्रजापतिर् निर्मिमीत ॥
तस्य गुप्तये यज्ञान् असृजन्त देवाः ।
ये त्रयस्त्रिंशत् प्रजापतिसृष्टाः पुण्यलोकाः ।
ते ऽस्य सर्वे ऽभिजिता अवरुद्धा भवन्ति य एवं वेद ॥
मूल पाठ: Paippalāda-Saṃhitā · Edition: Dipak Bhattacharya The Paippalāda-Saṁhitā of the Atharvaveda. Volume One, Consisting of the first fifteen Kāṇḍas Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume Two, Consisting of the sixteenth Kāṇḍa Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume three, consisting of the Seventeenth and Eighteenth · Data entry Arlo Griffiths Thomas Zehnder Philipp Kubisch Duccio Lelli Alexander Lubotsky Carmen Spiers Michael Witzel · GRETIL (Göttingen) · CC BY-NC-SA 4.0