पैप्पलाद-संहिता · अध्याय 16.116
एते वै प्रियाश् चाप्रियाश् च र्त्विजः
स्वर्गं लोकं गमयन्ति यद् अतिथयः ॥
यत् क्षत्तारं ह्वयत्य् आ श्रावयति
यत् प्रतिशृणोति प्रत्य् आ श्रावयति ॥
यत् परिवेष्टार आवसथान् प्रपद्यन्ते
चमसाध्वर्यव एव ते
तेषां नैकश् चनाहोता ॥
यत् प्रातर् उपहरति
प्रातःसवनम् एव तत् ॥
यद् दीवोपहरति
माध्यंदिनम् एव तत् सवनम् ॥
यत् सायम् उपहरति
तृतीयसवनम् एव तत् ॥
यद् अतिथिपतिर् अतिथीन् परिविष्यासनं याचते
अवभृथम् एव तद् उपावैति ॥
यत् सभागयति दक्षिणाम् एव तत् सभागयति
यद् अनुतिष्ठत्य् उदवस्यत्य् एव तत् ॥
मूल पाठ: Paippalāda-Saṃhitā · Edition: Dipak Bhattacharya The Paippalāda-Saṁhitā of the Atharvaveda. Volume One, Consisting of the first fifteen Kāṇḍas Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume Two, Consisting of the sixteenth Kāṇḍa Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume three, consisting of the Seventeenth and Eighteenth · Data entry Arlo Griffiths Thomas Zehnder Philipp Kubisch Duccio Lelli Alexander Lubotsky Carmen Spiers Michael Witzel · GRETIL (Göttingen) · CC BY-NC-SA 4.0