ग्रंथ पाठ

पैप्पलाद-संहिता · अध्याय 1.48

1.48.1

अरसस्य शर्कोटस्य
नीचीनस्योपसर्पतः ।
विषं हि सर्वम् आदिष्य्
अथो एनम् अजीजभम् ॥

1.48.2

न ते बाह्वो रसो अस्ति
न शीर्षे नोत मध्यतः ।
किम् इदं पापयामुया
पुच्छे बिभर्ष्य् अर्भकम् ॥

1.48.3

यत् ते स्कन्धान् उपतस्थौ
विजाम्नि यच् च ते परौ ।
अपमित्यम् इवाभृतं
मलं ते प्रति दध्मसि ॥

1.48.4

अदन्ति त्वा पिपीलिका
वि वृश्चन्ति मयूर्यः ।
सर्वे भल ब्रवाथ
शार्कोटम् अरसं विषम् ॥

मूल पाठ: Paippalāda-Saṃhitā · Edition: Dipak Bhattacharya The Paippalāda-Saṁhitā of the Atharvaveda. Volume One, Consisting of the first fifteen Kāṇḍas Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume Two, Consisting of the sixteenth Kāṇḍa Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume three, consisting of the Seventeenth and Eighteenth · Data entry Arlo Griffiths Thomas Zehnder Philipp Kubisch Duccio Lelli Alexander Lubotsky Carmen Spiers Michael Witzel · GRETIL (Göttingen) · CC BY-NC-SA 4.0