ग्रंथ पाठ

पैप्पलाद-संहिता · अध्याय 1.10

1.10.1

सीसायान्व् आह वरुणः
सीसायाग्निर् उपावति ।
सीसं म इन्द्रः प्रायच्छद्
अमीवायास् तु चातनम् ॥

1.10.2

इदं विष्कन्धं सहत
इदं बाधते अत्रिणः ।
अनेन विश्वा सासहै
या जातानि पिशाच्याः ॥

1.10.3

ये ऽमावास्यां रात्रिम्
उदस्थुर् भ्राजम् अत्रिणः ।
अग्निस् तुरीयो यातुहा
स उ नः पातु तेभ्यः ॥

1.10.4

यदि हंस्य् अश्वं
यदि गां यदि पूरुषम् ।
सीसेन विध्यामस् त्वा
यथा नो ऽसो अवीरहा ॥

मूल पाठ: Paippalāda-Saṃhitā · Edition: Dipak Bhattacharya The Paippalāda-Saṁhitā of the Atharvaveda. Volume One, Consisting of the first fifteen Kāṇḍas Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume Two, Consisting of the sixteenth Kāṇḍa Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume three, consisting of the Seventeenth and Eighteenth · Data entry Arlo Griffiths Thomas Zehnder Philipp Kubisch Duccio Lelli Alexander Lubotsky Carmen Spiers Michael Witzel · GRETIL (Göttingen) · CC BY-NC-SA 4.0