देवीकालोत्तरागम · श्लोक 81-84

पञ्चभूतात्मको देहः शिवस्तत्रैव तिष्ठति
शिवाद्यवनिपर्यन्तो लोको ऽयं शङ्करात्मकः ॥

ईदृशं ज्ञानिनं दृष्ट्वा पूजयन्ति च ये नराः
गन्धं पुष्पं फलं धूपं स्नानं वस्त्रं च भोजनम् ॥

निवेदयन्ति ये केचिद् वाङ्मनःकायकर्मभिः
तथैव ते विमुच्यन्ते मुक्तिमार्गाभिकाङ्क्षिणः ॥

स्तुतिनिन्दाकरास्तस्य पुण्यपापे समाप्नुयुः
यज्ज्ञानाचरणं पृष्टं तत् सर्वं कथितं मया
कालज्ञानं वरारोहे किमन्यत् परिपृच्छसि ॥