ब्रह्मसूत्र (अन्य संस्करण) · अध्याय 3.1

तदन्तरप्रतिपत्तौ रंहति संपरिष्वक्तः प्रश्ननिरूपणाभ्याम्

त्र्यात्मकत्वात् तु भूयस्त्वात्

प्राणगतेश् च

अग्न्यादिगतिश्रुतेर् इति चेन् न भाक्तत्वात्

प्रथमे ऽश्रवणाद् इति चेन् न ता एव ह्य् उपपत्तेः

अश्रुतत्वाद् इति चेन् नेष्टादिकारिणां प्रतीतेः

भाक्तं वानात्मवित्त्वात् तथा हि दर्शयति

कृतात्यये ऽनुशयवान् दृष्टस्मृतिभ्यां यथेतमनेवं च

चरणाद् इति चेन् नोपलक्षणार्थेति कार्ष्णाजिनिः

आनर्थक्यम् इति चेन् न तदपेक्षत्वात्

सुकृतदुष्कृते एवेति तु बादरिः

अनिष्टादिकारिणाम् अपि च श्रुतम्

संयमने त्व् अनुभूयेतरेषामारोहाव् अरोहौ तद्गतिदर्शनात्

स्मरन्ति च

अपि च सप्त

तत्रापि च तद्व्यापारादविरोधः

विद्याकर्मणोर् इति तु प्रकृतत्वात्

न तृतीये तथोपलब्धेः

स्मर्यते ऽपि च लोके

दर्शनाच् च

तृतीयशब्दावरोधः संशोकजस्य

साभाव्यापत्तिरुपपत्तेः

नातिचिरेण विशेषात्

अन्याधिष्ठितेषु पूर्ववदभिलापात्

अशुद्धम् इति चेन् न शब्दात्

रेतःसिग्योगो ऽथ

योनेः शरीरम्